Govinda-Sunita: गोविंदा-सुनीता वादाच्या चर्चेत सुनेची ‘ती’ पोस्ट (फोटो सौजन्य- सोशलमीडिया)
Govinda-Sunita Ahuja Controversy: बॉलिवूड अभिनेता गोविंदा आणि त्यांची पत्नी सुनीता आहूजा यांच्या नात्याबद्दल गेल्या काही दिवसांपासून वेगवेगळ्या चर्चा सुरू आहेत. दोघांच्या वक्तव्यांमुळे हे प्रकरण वारंवार चर्चेत येत आहे. कधी सुनीता गोविंदाबद्दल बोलताना दिसते, तर कधी अभिनेता स्वतःची बाजू मांडताना दिसतो.
आता या सगळ्या पार्श्वभूमीवर गोविंदाचा भाचा कृष्णा अभिषेकची पत्नी कश्मीरा शाह हिची एक सोशल मीडिया पोस्ट चर्चेचा विषय बनली आहे. कश्मीराने आपल्या पोस्टमध्ये प्रेम, लग्न आणि विश्वास या विषयांवर काही प्रश्न उपस्थित केले आहेत. तिने कोणाचंही नाव घेतलेलं नाही. त्यामुळे तिच्या या पोस्टचा नेमका संबंध कोणाशी आहे, याबाबत सोशल मीडियावर तर्क-वितर्क सुरू झाले आहेत.
कश्मीराने इन्स्टाग्रामवर आकाशातील हृदयासारखा दिसणारा ढग असलेला फोटो शेअर केला. मात्र फोटोपेक्षा त्यासोबत लिहिलेला मजकूर लोकांचं लक्ष वेधून घेत आहे. तिच्या शब्दांत प्रेमाबद्दलची उत्सुकता तर आहेच, पण त्यासोबत थोडी नाराजी आणि निराशाही जाणवते. तिने आपल्या पोस्टमधून असा सवाल केला की खरं प्रेम आजही जगात आहे का? एखादी व्यक्ती आपल्या जोडीदाराला विशेष वाटावं म्हणून त्याच्यासाठी मनापासून काही करू शकते का? पैसा खर्च करणं, काळजी घेणं आणि समोरच्या व्यक्तीला महत्त्व देणं, हेच प्रेमाचं खरं रूप आहे का, असे प्रश्न तिने मांडले.
कश्मीराने पुढे लग्नाची नाती तुटताना आणि लोकांकडून एकमेकांचा विश्वासघात होताना पाहिल्याने प्रेमाबद्दलचा आपला विश्वास काहीसा कमी झाल्याचंही व्यक्त केलं. त्यामुळे तिची ही पोस्ट वाचल्यानंतर अनेकांनी तिच्या मनात नेमकं काय सुरू आहे, असा प्रश्न विचारला.
विशेष म्हणजे कश्मीराची ही पोस्ट अशावेळी समोर आली आहे, जेव्हा गोविंदा आणि सुनीता यांच्या वैवाहिक आयुष्याबाबत चर्चा सुरू आहे. त्यामुळे नेटकऱ्यांनी दोन्ही गोष्टींचा संबंध जोडण्यास सुरुवात केली. मात्र कश्मीराने आपल्या पोस्टमध्ये गोविंदा किंवा सुनीता यांचं नाव कुठेही घेतलेलं नाही. त्यामुळे ही पोस्ट त्यांच्यासाठी होती, असा थेट निष्कर्ष काढता येत नाही.
काही काळापासून सुनीता आहूजा यांच्या मुलाखती आणि वक्तव्यांमुळेही गोविंदाच्या वैयक्तिक आयुष्याची चर्चा होत आहे. एका पॉडकास्टमध्ये त्यांनी लग्नातील विश्वास आणि नात्यांबद्दल आपली मतं मांडली होती. त्याचवेळी गोविंदाच्या कथित प्रेमसंबंधांबाबतही त्यांनी काही दावे केले होते.
फ्लॉपचा शिक्का OTTवर पुसला! ‘या’ चित्रपटाला मिळतोय जबरदस्त प्रतिसाद, नंबर 1 वर ट्रेंडिंग
काही दिवसांपूर्वी माध्यमांशी बोलताना सुनीता यांनी गोविंदासोबत काम करणाऱ्या एका तरुण अभिनेत्रीबाबतही टिप्पणी केली होती. त्यांनी अभिनेत्याला त्या अभिनेत्रीचा ‘शुगर डॅडी’ असा उल्लेख केल्याचं समोर आलं होतं. त्यांच्या या वक्तव्यानंतर मनोरंजन क्षेत्रात चांगलीच चर्चा रंगली.
यानंतर गोविंदानेही व्हिडीओच्या माध्यमातून आपली बाजू मांडली होती. पत्नीच्या काही वक्तव्यांमुळे आपली प्रतिमा खराब होत असल्याचं त्याने म्हटलं होतं. तसेच एखादी अभिनेत्री एखाद्या अभिनेत्यासोबत काम करते किंवा दिसते म्हणून त्यांच्यात प्रेमसंबंध आहेत, असा अंदाज बांधणं योग्य नसल्याचंही त्याने स्पष्ट केलं होतं.
आता कश्मीराच्या पोस्टमुळे या चर्चेला पुन्हा हवा मिळाली आहे. तिच्या मनातील भावना नेमक्या कोणत्या प्रसंगातून आल्या आहेत, याबाबत तिने कोणताही खुलासा केलेला नाही. त्यामुळे तिची पोस्ट गोविंदा-सुनीता यांच्या नात्यावर अप्रत्यक्ष भाष्य आहे की तिच्या स्वतःच्या आयुष्यातील अनुभवांशी संबंधित आहे, हे सध्या स्पष्ट नाही. मात्र एका साध्या फोटोसोबत लिहिलेल्या काही ओळींनी सोशल मीडियावर मोठी चर्चा सुरू केली आहे. प्रेम, लग्न आणि विश्वास याबद्दलचा कश्मीराचा प्रश्न अनेकांना विचार करायला लावणारा ठरला आहे.
.png "Videos"){kind=small}
