Aarti Solanki On Sai Tamhankar: ‘अभिनयाचा अ ही माहीत नाही तरी सुपरस्टार!’ सई ताम्हणकरसाठी आरती सोलंकीची परखड पोस्ट, नेमकं काय घडल?

Aarti Solanki On Sai Tamhankar: सई ताम्हणकरच्या ‘अडकित्ता’मधील भूमिकेचं अभिनेत्री आरती सोलंकीने सोशल मीडिया पोस्टद्वारे भरभरून कौतुक केलं आहे. ‘फू बाई फू’पासून सईने बोल्ड भूमिका, साध्या व्यक्तिरेखा, आयटम साँग, सूत्रसंचालन आणि हिंदी सिनेमांपर्यंत केलेल्या कामाचा आरतीने उल्लेख केला.

• सई ताम्हणकरच्या ‘अडकित्ता’मधील भूमिकेचं आरती सोलंकीने कौतुक केलं.
• ‘फू बाई फू’पासूनच्या सईच्या विविध कामांचा आरतीने पोस्टमध्ये उल्लेख केला.
• मराठी प्रेक्षकांनी मराठी अभिनेत्रींचंही मोठ्या मनाने कौतुक करावं, असं आरती म्हणाली.

Aarti Solanki On Sai Tamhankar Adkitta Movie: मराठीतल्या टॉपच्या अभिनेत्रींचं नावामध्ये सई ताम्हणकरचं नाव आठवणींने घेतलं जातं. सईने फक्त मराठीमध्ये नाहीतर बॉलिवूडमध्ये आपलं नाव कोरलं आहे. ग्लॅमरस लूक असो किंवा बोल्ड प्रत्येक भूमिकेमध्ये सई आपला जीव ओतून काम करते. काही दिवसांपूर्वी तिचा ‘अडकित्ता’ हा सिनेमा ओटीटीवर आला. त्या चित्रपटामधल्या तिच्या भूमिकेची चर्चा सर्वत्र आहे. Aarti Solanki On Sai Tamhankar:

या सिनेमामुळे एका मराठी अभिनेत्रीने तर तिच्या प्रेमातच पडल्यासारखं तिचं कौतुक केलं. आरती सोलंकीने मांडलं मनातलं ‘फू बाई फू’ मधून घराघरात पोहोचलेली कॉमेडी क्वीन आरती सोलंकी नेहमीच रोखठोक बोलण्यासाठी ओळखली जाते. तिने नुकतीच इंस्टाग्रामवर एक पोस्ट टाकून सईचं भरभरून कौतुक केलं आहे. पण फक्त कौतुकच नाही तर तिने मराठी प्रेक्षकांना पण खडे बोल सुनावले आहेत.

आरती काय म्हणाली पोस्टमध्ये?

आरती तिच्या पोस्टमध्ये म्हणाली, “अडकित्ता बघितला आणि सईचा पूर्ण प्रवास डोळ्यासमोर आला. फू बाई फू पासून तिचा प्रवास बघ आले. कधी बोल्ड रोल, कधी अगदी साधी बाई, कधी आयटम साँग तर कधी सूत्रसंचालन आणि नंतर हिंदी सिनेमे… सईने सगळं केलंय.” मराठी प्रेक्षक छोट्या मनाचे आहेत का? आरती इथेच थांबली नाही.

Aarti Solanki On Balancing Devi: बॅलन्सिंग देवीच्या मूर्तीवर आरती ..

तिने पुढे लिहिलंय की, “हे सगळं बघून वाटतं की मराठी प्रेक्षक म्हणून आपण किती छोट्या मनाचे आहोत. आपल्याला कौतुक फक्त बॉलिवूडच्या हिरोईनचंच येतं. त्यांना जरी अभिनयातला ‘अ’ येत नसला तरी आपण त्यांना डोक्यावर घेतो आणि सुपरस्टार म्हणतो. पण आपल्याच मराठी मुलींनी एवढं मोठं काम करूनही आपण त्यांना किंमत देत नाही.” आरतीचा हा टोला थेट त्या प्रेक्षकांना होता जे फक्त बॉलिवूडच्याच मागे धावतात. तिचं म्हणणं अगदी खरं पण आहे. आपल्याकडे सई सारख्या कितीतरी गुणी अभिनेत्री आहेत पण आपण त्यांना तितकं मोठं करत नाही.

मराठी अभिनेत्रींना सुपरस्टार म्हणा

तिच्या पोस्टमध्ये आरतीने आणखी काही नावं घेतली. ती म्हणाली, “आपल्याकडे सई ताम्हणकर, प्रिया बापट, छाया कदम, अमृता खानविलकर सारख्या किती तरी अभिनेत्री आहेत. या फक्त मराठी सिनेमातच नाही तर बॉलिवूड, वेब सिरीज, नाटक सगळीकडे काम करत आहेत. अनेक वर्ष स्ट्रगल करून त्यांनी हे नाव कमावलं आहे. मग आपण प्रेक्षक म्हणून पण मन मोठं करायला हवं आणि आपल्याच अभिनेत्रींना सुपरस्टार म्हणायला हवं.”

Aarti Solanki: ‘बाप्पाला अक्षरश: हवेत लटकवून ठेवणं…’; गणेशमूर्तींच्या …

आरतीच्या या पोस्टवर अनेकांच्या कमेंट

आरतीच्या या पोस्टवर अनेकांनी कमेंट करून तिला पाठिंबा दिला आहे. सई ताम्हणकरने पण या पोस्टवर रिप्लाय केला आहे. सईचा ‘अडकित्ता’ सध्या चर्चेत आहे आणि आरतीने केलेल्या या कौतुकामुळे त्या सिनेमाची चर्चा आणखी वाढली आहे.खरंच, आरतीने जे म्हटलंय त्यावर विचार करायला हवा. आपल्या मराठी कलाकारांचं कौतुक आपणच नाही केलं तर कोण करणार?