( फोटो सौजन्य- सोशल मीडिया)
‘अमर प्रेम कथा’च्या पोस्टरमध्ये एका बाजूला जिवंत हात, तर दुसऱ्या बाजूला भुताटकी हात दिसत आहे. या दोन्ही हातांच्या मध्ये काट्यांनी वेढलेलं लाल गुलाबाचं फूल पाहायला मिळतं. त्यामुळे पोस्टरमधूनच प्रेम आणि हॉररचा अनोखा संगम पाहायला मिळतो.
पोस्टरची संकल्पना पाहता, ही प्रेमकथा नेहमीच्या रोमँटिक चित्रपटांपेक्षा काहीशी वेगळी असणार असल्याची झलक मिळते. प्रेमाच्या नात्यात हॉरर आणि कॉमेडीचा ट्विस्ट नेमका कसा येणार, याबाबत प्रेक्षकांमध्ये उत्सुकता निर्माण झाली आहे.
‘अमर प्रेम कथा’मध्ये मराठी मनोरंजनसृष्टीतील आजच्या घडीचे लोकप्रिय कलाकार एकत्र पाहायला मिळणार आहेत. प्रथमेश परब, रितिका श्रोत्री, ओंकार भोजने, पार्थ भालेराव, रोहित माने, विनायक माळी आणि सयाजी शिंदे हे कलाकार महत्त्वाच्या भूमिकांमध्ये प्रेक्षकांचं मनोरंजन करणार आहेत.
या दमदार कलाकारांच्या अभिनयासोबतच चित्रपटाची वेगळी कथा आणि रोमँटिक हॉरर कॉमेडीचा फॉर्म्युला प्रेक्षकांसाठी खास आकर्षण ठरण्याची शक्यता आहे.
‘सुपर डुपर’ या चित्रपटानंतर समीर आशा पाटील पुन्हा एकदा वेगळ्या विषयावर काम करत आहेत. ‘अमर प्रेम कथा’चं लेखन आणि दिग्दर्शन त्यांनी केलं आहे. तर डॉ. पल्लवी जाधव, डॉ. गजानन जाधव आणि राम जाधव यांनी या चित्रपटाची निर्मिती केली आहे.
प्रेमकथा, हॉरर आणि कॉमेडी या तीन वेगळ्या जॉनरचा मेळ या चित्रपटात पाहायला मिळणार असल्याने ‘अमर प्रेम कथा’ प्रेक्षकांसाठी मनोरंजनाचा अनोखा अनुभव ठरणार का, हे पाहणं महत्त्वाचं ठरणार आहे.
प्रेमाला एक वेगळा ट्विस्ट देणारा ‘अमर प्रेम कथा’ हा चित्रपट २०२७च्या व्हॅलेंटाईन डेला संपूर्ण महाराष्ट्रात प्रदर्शित होणार आहे. त्यामुळे पुढील वर्षीच्या व्हॅलेंटाईन डेच्या निमित्ताने प्रेक्षकांना प्रेम, भय आणि विनोदाची भन्नाट मेजवानी अनुभवता येणार आहे.
चित्रपटाच्या पहिल्या पोस्टरनंतर आता त्याचा टीझर आणि ट्रेलर कधी प्रदर्शित होणार, याकडे चाहत्यांचं लक्ष लागलं आहे. प्रेमकथा नेमकी किती ‘डेडली’ ठरणार, याचा उलगडा चित्रपट प्रदर्शित झाल्यावरच होणार आहे.
.png "Videos"){kind=small}
