Siddharth Jadhav: फिल्मफेअर पुरस्कार जिंकल्यानंतर सिद्धार्थ जाधवचं हटके सेलिब्रेशन; ट्रॉफी बेडवर ठेवली अन्…

Siddharth Jadhav: ११ वा मराठी फिल्मफेअर पुरस्कार सोहळात आता थांबायचं नाय' या चित्रपटाने सर्वाधिक पुरस्कारांवर आपले नाव कोरले. या चित्रपटातील दमदार अभिनयासाठी सिद्धार्थ जाधव याला सर्वोत्कृष्ट सहाय्यक अभिनेता हा फिल्मफेअर पुरस्कार प्रदान करण्यात आला.

• उत्साहात पार पडला ११ वा मराठी फिल्मफेअर पुरस्कार सोहळा
• आता थांबायचं नाय’ चित्रपटाची पुरस्कारांवर मोहोर
• ट्रॉफीसोबत सिद्धार्थ जाधवचे हटके सेलिब्रेशन

Siddharth Jadhav: नुकताच ११ वा मराठी फिल्मफेअर पुरस्कार सोहळा मोठ्या उत्साहात पार पडला. या सोहळ्यात मराठी चित्रपटसृष्टीतील उत्कृष्ट चित्रपट, कलाकार आणि दिग्दर्शकांचा गौरव करण्यात आला.

यंदाच्या पुरस्कार सोहळ्यात शिवराज वायचळ दिग्दर्शित ‘आता थांबायचं नाय’ या चित्रपटाने सर्वाधिक पुरस्कारांवर आपले नाव कोरले. या चित्रपटाला सर्वोत्कृष्ट चित्रपट, सर्वोत्कृष्ट दिग्दर्शक, सर्वोत्कृष्ट सहाय्यक अभिनेता, सर्वोत्कृष्ट संवाद, सर्वोत्कृष्ट संगीत, सर्वोत्कृष्ट गायक आणि सर्वोत्कृष्ट गायिका असे अनेक मानाचे पुरस्कार मिळाले.

२०२५ मध्ये प्रदर्शित झालेल्या ‘आता थांबायचं नाय’ या चित्रपटाला प्रेक्षकांचा उत्स्फूर्त प्रतिसाद मिळाला होता. या चित्रपटात भरत जाधव, ओम भूतकर, सिद्धार्थ जाधव, पर्ण पेठे, रोहिणी हट्टंगडी, आशुतोष गोवारीकर, प्राजक्ता हनमगर आणि किरण खोजे यांनी महत्त्वाच्या भूमिका साकारल्या आहेत.

सिद्धार्थ जाधवला मिळाला सर्वोत्कृष्ट सहाय्यक अभिनेत्याचा पुरस्कार

या चित्रपटातील दमदार अभिनयासाठी सिद्धार्थ जाधव याला सर्वोत्कृष्ट सहाय्यक अभिनेता हा फिल्मफेअर पुरस्कार प्रदान करण्यात आला. पुरस्कार स्वीकारल्यानंतर सिद्धार्थने सोशल मीडियावर काही खास फोटो शेअर करत आपल्या भावना व्यक्त केल्या. “मी खूप आनंदी आहे,” असे कॅप्शन देत त्याने ‘आता थांबायचं नाय’च्या संपूर्ण टीमचे आभार मानले.

ट्रॉफीसोबत सिद्धार्थ जाधवचे हटके सेलिब्रेशन

पुरस्कार मिळाल्यानंतर सिद्धार्थने अनोख्या पद्धतीने आनंद साजरा केला. त्याने फिल्मफेअर ट्रॉफी बेडवर ठेवून तिच्याकडे प्रेमाने पाहतानाचे फोटो शेअर केले. दुसऱ्या छायाचित्रात तो ट्रॉफीशेजारी हसतमुख पोझ देताना दिसत आहे. त्याच्या या हटके सेलिब्रेशनने चाहत्यांचे विशेष लक्ष वेधून घेतले.

Jayanti 2 Teaser: शिक्षण व्यवस्थेतील वास्तव उलगडणार! ‘जयंती २’चा दमदार टीझर रिलीज, चित्रपट ‘या’ तारखेला होणार प्रदर्शित

कलाकारांकडून शुभेच्छांचा वर्षाव

इन्स्टाग्रामवरील या पोस्टवर चाहत्यांसह अनेक कलाकारांनी शुभेच्छांचा वर्षाव केला. अभिनेत्री प्रिया बापट हिने, “वाह! अभिनंदन आणि खूप प्रेम,” अशी कमेंट केली. अभिनेत्री स्नेहा रायकर यांनी “अभिनंदन” अशी प्रतिक्रिया दिली, तर शिवाली परब हिने “अभिनंदन दादा” असे म्हणत त्याचे कौतुक केले. याशिवाय गौरव मोरे, प्रथमेश परब, पल्लवी वैद्य, सचित पाटील, कुशल बद्रिके आणि भाग्यश्री मोटे यांसह अनेक कलाकारांनी कमेंट्सद्वारे सिद्धार्थ जाधवच्या यशाचे अभिनंदन करत त्याच्यावर शुभेच्छांचा वर्षाव केला.

Varun Dhawan Horror Film: YRFचा पहिला हॉरर चित्रपट! वरुण धवन साकारणार मुख्य भूमिका; वर्षाअखेरीस सुरू होणार शूटिंग