५ वर्षांनंतर मालिकेत पुनरागमन; शर्वरीच्या उर्जेशील स्वभावासाठी अभिनेत्री चिन्मयी साळवी ने केली ‘ही’ खास तयारी!

अभिनेत्री चिन्मयी साळवी सनई चौघडे या मालिकेतून प्रेक्षकांच्या भेटीला येणार आहे. या मालिकेतील पात्रासाठी तिने काय काय तयारी केली आहे हे जाणून घेऊया..

अभिनेत्री चिन्मयी साळवी ५ वर्षांनंतर मालिका विश्वात पुनरागमन करत आहे. ‘सनई चौघडे’ मालिकेतून अभिनेत्री चिन्मयी साळवी एका नवीन भूमिकेतून प्रेक्षकांच्या भेटीला येणार आहे. या मालिकेत ती ‘शर्वरी परब’ ची भूमिका साकारणार असून ही तिची व्यक्तिरेखा एकदम बेधडक आणि बिनधास्त आहे. या भूमिकेबद्दल, ऑडिशन प्रक्रियेबद्दल, तयारी, सहकलाकार आणि त्याच्या अभिनय प्रवासाबद्दल चिन्मयीने मनमोकळ्या गप्पा मारल्या.

शर्वरी प्रमिला सुभाष परब ही एक प्रचंड निर्मळ, आनंदी आणि स्वच्छंद मुलगी आहे. ती आपल्या कुटुंबाशी खूप जुळलेली आहे आणि जे काही घडते, त्यावर ती आपले स्पष्ट मत मांडते. तिला पाठीमागून बोलणे अजिबात आवडत नाही; काही बरोबर किंवा चुकीचे असल्यास ती नेहमी स्वतःच्या शब्दांत सांगते.शर्वरीच्या कुटुंबात सर्व सदस्य समाधानी आहेत. ते स्वामीभक्त आहेत आणि स्वामींच्या कृपेने मिळालेल्या गोष्टींमध्ये त्यांना आनंद आहे. कुटुंबातील प्रत्येक जण आपल्या आयुष्यात खुश आहे.शर्वरी ही ग्रॅज्युएट आहे आणि एम.डी.मध्ये रोजची क्वीन आहे, म्हणजे तिचा स्वतःचा खास स्वॅग आहे. ती सध्या नोकरी शोधत आहे. पण नोकरी मिळेपर्यंत ती आपल्या आई पमालाच्या टिफिन व्यवसायात मदत करते. ती तिच्या स्कूटी ‘बेबो’ वरून टिफिन डिलिव्हरी करते, आणि बेबो शर्वरीच्या आयुष्यात खूप महत्त्वाची आहे.तिचे वडील कंडक्टर आहेत, त्यामुळे शर्वरीला मॅनेजमेंट आणि व्यवहाराची चांगली समज आहे. ती नेहमी प्रयत्न करते की आपल्या कौशल्यांचा उपयोग करून आई-बाबांना आणि कुटुंबाला मदत करावी.

शर्वरी या व्यक्तिरेखेसाठी जेव्हा मला कॉल आला तेव्हा माझा आनंद गगनात मावेनासा झाला. ‘वागळे की दुनिया ‘ ही हिंदी मालिका तब्बल ५ वर्ष केल्यानंतर मला शर्वरीची भूमिकेसाठी कॉल आला. मराठी मालिकेत काम करण्याची संधी मिळाली यासाठी स्वतःला खूप भाग्यवान समजते. माझी इच्छा होती की मला मराठी मालिका करायला मिळावी, ज्यामधली माझी भूमिका प्रेक्षकांच्या कायम लक्षात राहावी. आणि स्वामींनी माझी प्रार्थना ऐकली. मालिकेत शर्वरी आणि जय हे खूप विरुद्ध करेक्टर असणार आहेत. जेव्हा हे दोन्ही करेक्टर एकमेकांच्या समोर येतील, तेव्हा काय धुमाकूळ होणार आहे हे बघण्यासारखं असेल.

शर्वरीच्या भूमिकेसाठी अभिनेत्रीने केलेली तयारी

शर्वरीच्या भूमिकेसाठी मला फार काही वेगळे करावे लागले नाही, कारण मी आणि शर्वरी खूपशी सारखीच आहोत. मी सुद्धा मस्तीखोर, बोलकी आणि थोडीशी नौटंकी करणारी आहे. मला ड्रामा करायला आवडते, माझ्या कुटुंबाची काळजी घ्यायला आवडते आणि त्यांच्यासाठी काहीही करायला तयार असते.जर खास तयारीची गोष्ट सांगायची झाली, तर ती म्हणजे शर्वरीच्या भूमिकेसाठी मी स्कूटी चालवायला शिकले. शर्वरी आपल्या आईला टिफिन व्यवसायात मदत करण्यासाठी स्कूटीवरून डिलिव्हरी करते, आणि मला ती भूमिका करताना सुरुवातीला थोडी भीती वाटली. पण आता मी गर्दीत सुद्धा स्कूटी चालवू शकते आणि त्याचा मला खूप आनंद आहे.पूर्वी केलेल्या मालिकांमध्ये मी १८–१९ वर्षांची मुलगी साकारली होती, पण शर्वरी ही खूप समजूतदार आणि सगळ्यांना सांभाळून घेणारी मुलगी आहे. ती ग्रॅज्युएट आहे, त्यामुळे तिची विचारसरणी वेगळी आहे आणि प्रत्येकासोबत डील करण्याची तिची स्वतःची पद्धत आहे.

‘बनावट चित्रपट बनत आहेत’, नवाजुद्दीन सिद्दीकी संतापले; मोठ्या बॉलिवूड चित्रपटांवर साधला निशाणा

प्रेक्षकांचा प्रतिसाद मला मिक्स पाहायला मिळाला. प्रेक्षकांचे शॉक आणि सरप्राईज असे दोन्ही रिऍक्शन्स मला पाहायला मिळाले. हिंदी मालिकेतून आता मी मराठी मालिकेत दिसणार, तेही इतक्या वर्षांनंतर हे त्यांच्यासाठी खूप मोठं सरप्राईज होतं. मी याआधी जी मराठी मालिका करत होते, त्याचे प्रेक्षकही या बातमीनंतर खूप आनंदी झाले. माझे हिंदी मालिकेचे फॅन्सही तितकेच उत्सुक आहेत. त्यांचं असं म्हणणं आहे की तुमच्यासाठी आम्ही तुमची भूमिका पाहण्यासाठी तुमचा मराठी कार्यक्रमही पाहायला सुरुवात करू. हे सगळं खूप छान आहे आणि मला खूप आनंद वाटत आहे. आमची को-ॲक्टर्स आणि प्रोडक्शन टीम खूप छान आहे. त्यांच्यासोबत काम करताना मला अगदी घरगुती वातावरण वाटतं. माझी सगळ्यांशी मैत्रीही झाली आहे. माझा स्वभावच असा आहे की मी एखाद्याशी बोलल्याशिवाय, बडबड केल्याशिवाय काम करू शकत नाही. एवढी फ्रेंडली मी आहे. हळूहळू काम करताना कदाचित काही कालावधीनंतर मला इथे माझी खास मैत्रीण मिळेल असं मला वाटतं.

जन्नत झुबैर आणि तिचा भाऊ संकटात; पनवेलमध्ये दोघांवर हल्ला, नेमकं घडलं तरी काय?

शूटिंगदरम्यानचा एखादा किस्सा सांगायचा तर शूटिंग चालू असताना एक किस्सा झाला होता. हॉस्पिटलचं शूटिंग चालू होतं. आम्ही हॉस्पिटलच्या खाली शूट करत होतो. मी, जय आणि मॅक. तिथे प्रोडक्शन आणि चॅनलचे सगळे लोकही होते. शूटिंगदरम्यान अचानक गर्दीतून अंदाजे पन्नास वर्षांच्या एक महिला पुढे आल्या आणि म्हणाल्या की मला चिन्मयीसोबत फोटो काढायचा आहे. माझा मुलगा सोबत आहे, तो फोटो काढेल. आमचे प्रोड्युसर राजू सरांनी त्याला परवानगी दिली. आमचे फोटो काढून झाल्यानंतर त्या महिलेने आम्हाला खूप आशीर्वाद दिले. त्या म्हणाल्या, “तुमची मालिका खूप छान चालेल. तुम्हा सगळ्यांना खूप खूप आशीर्वाद.” ते ऐकून आम्ही खूपच भारावून गेले. शूटच्या पहिल्याच दिवशी एवढा मस्त अनुभव आला. हा अनुभव मी कधीच विसरणार नाही असं मला वाटतं.