शुभ श्रावणी’मध्ये मोठा ट्विस्ट! श्रावणी मृत्यूशी झुंजणार; शुभ करणार प्रेमाची कबुली
Zee Marathi Shubh Shravani Serial : झी मराठीवरील लोकप्रिय मालिका ‘शुभ श्रावणी’ सध्या उत्कंठावर्धक वळणावर पोहोचली असून प्रेक्षकांना दररोज नवनवीन धक्के पाहायला मिळत आहेत. मालिकेचं कथानक आता अशा टप्प्यावर आले आहे, जिथे श्रावणीचे प्राण वाचवण्यासाठी नियती स्वतः खेळ खेळताना दिसणार आहे. मालिकेच्या आगामी भागात आपण पाहणार आहोत, श्रावणीची प्रकृती अत्यंत गंभीर असून तिला रुग्णालयात दाखल करण्यात आले आहे. तिला तातडीने दुर्मिळ अशा ‘ब्लड ग्रुप’ची गरज भासते. अशा कठीण समयी, श्रावणीने भूतकाळात ज्या गरीब महिलेला मदत केली होती, ती महिला मदतीसाठी धावून येणार आहे.
तर दुसरीकडे, कथानकात एक अनपेक्षित वळण येणार आहे. जेलमधून पळालेली वैशाली मृत अवस्थेत आढळते. या घटनेमुळे रुद्र प्रचंड संतापला असून विश्वंभर पूर्णपणे कोलमडून गेला आहे. श्रावणी आयसीयूमध्ये मृत्यूशी झुंज देत असताना, शुभ भावूक होऊन तिच्यासमोर आपल्या प्रेमाची कबुली देतो. प्रकृती सुधारत असताना शुभ आणि श्रावणी एकमेकांच्या अधिक जवळ येणार आहेत. रुग्णालयातून घरी परतल्यावर श्रावणी आपल्या वडिलांना सुबुबद्दल सांगण्याचे ठरवते. मात्र, तिच्या बोलण्याचा चुकीचा अर्थ लावत विश्वंभर श्रावणीचं रुद्रवर प्रेम असल्याचं समजतात, या मोठ्या गैरसमजामुळे नात्यांमध्ये एक नवीनच पेच निर्माण होणार आहे.
श्रावणी आयसीयूमध्ये मृत्यूशी झुंज देत असताना शुभ भावूक होतो आणि तिच्यासमोर आपल्या प्रेमाची कबुली देतो. हा प्रसंग मालिकेतील सर्वात भावनिक क्षणांपैकी एक ठरणार असल्याचे मानले जात आहे. श्रावणीची प्रकृती सुधारू लागल्यानंतर शुभ आणि श्रावणी यांच्यातील नातं अधिक घट्ट होताना दिसणार आहे.
रुग्णालयातून घरी परतल्यानंतर श्रावणी आपल्या वडिलांना शुभबद्दल सांगण्याचा निर्णय घेते. मात्र, तिच्या बोलण्याचा चुकीचा अर्थ लावत विश्वंभर यांना श्रावणीचे रुद्रवर प्रेम असल्याचा गैरसमज होतो. यामुळे कथानकात नातेसंबंधांचा नवा गुंता निर्माण होणार आहे.
प्रेम, गैरसमज, मृत्यूचे रहस्य आणि भावनिक संघर्ष यामुळे मालिकेचे आगामी भाग अधिकच रंगतदार होणार आहेत. श्रावणीच्या आयुष्यातील हा नवा संघर्ष आणि तिच्या नात्यांमधील बदल प्रेक्षकांना खिळवून ठेवणारे ठरणार आहेत. ‘शुभ श्रावणी’चे आगामी भाग दररोज संध्याकाळी ६:३० वाजता Zee Marathi वर प्रसारित होतात.
.png "Videos"){kind=small}
