( फोटो सौजन्य- सोशल मीडिया)
तेजस्विनी लोणारी आणि समाधान सरवणकर यांनी आपल्या लेकासाठी खास आणि चार अक्षरी नाव निवडलं आहे. त्यांच्या मुलाचं नाव ‘समराज’ असं ठेवण्यात आलं आहे. आपल्या नावांशी साधर्म्य असलेलं हे नाव असल्याने चाहत्यांचंही लक्ष वेधलं जात आहे.
नामकरण सोहळ्याचे फोटो सोशल मीडियावर शेअर होताच चाहत्यांनी तेजस्विनी आणि समाधान यांच्यावर शुभेच्छांचा वर्षाव केला आहे. चिमुकल्याच्या आगमनानंतर आता त्याचं नाव काय असेल, याची उत्सुकता चाहत्यांना होती. अखेर नामकरण सोहळ्यात त्याचं नाव समोर आलं आहे.
तेजस्विनी लोणारी आणि समाधान सरवणकर यांनी डिसेंबर २०२५ मध्ये लग्नगाठ बांधली. लग्नानंतर काही महिन्यांतच दोघांनी आपल्या पहिल्या बाळाचं स्वागत केलं. २२ ऑगस्ट २०२६ रोजी तेजस्विनीने मुलाला जन्म दिला. त्यानंतर आता ९ सप्टेंबरला चिमुकल्या समराजचा नामकरण सोहळा पार पडला.
तेजस्विनीच्या आई होण्याची बातमी समोर येण्यापूर्वी तिची नणंद आणि शिवसेना शिंदे गटाच्या नेत्या प्रिया सरवणकर यांनी सोशल मीडियावर पोस्ट शेअर करत आत्या झाल्याची गोड बातमी दिली होती. त्यानंतर तेजस्विनी आणि समाधान यांनीही आपल्या पहिल्या बाळाच्या आगमनाची माहिती चाहत्यांसोबत शेअर केली होती.
आता ‘समराज’ या नावाची घोषणा झाल्यानंतर तेजस्विनी आणि समाधान यांच्या चाहत्यांमध्येही उत्साहाचं वातावरण आहे. सोशल मीडियावर व्हायरल होणाऱ्या बारशाच्या फोटोंवर चाहते चिमुकल्याला भरभरून शुभेच्छा देत आहेत.
.png "Videos"){kind=small}
