Mirzapur The Movie Box Office: ‘मिर्झापूर: द मूव्ही’ची बॉक्स ऑफिसवर घोडदौड; दुसऱ्या दिवशी कमाईत २४.३% वाढ; ‘इतक्या’ कोटींचा गल्ला

Mirzapur The Movie Box Office: ‘मिर्झापूर: द मूव्ही’ने बॉक्स ऑफिसवर दमदार कमाई सुरू ठेवली आहे. दुसऱ्या दिवशी कमाईत २४.३ टक्क्यांची वाढ झाली असून, दोन दिवसांत निव्वळ कमाई ५७.७५ कोटींवर पोहोचली आहे.

• दोन दिवसांत ५७.७५ कोटींचा निव्वळ गल्ला
• हिंदी आवृत्तीची बॉक्स ऑफिसवर जोरदार कमाई
• जुन्या-नव्या पात्रांनी जिंकली प्रेक्षकांची मनं

Mirzapur The Movie Box Office: ‘मिर्झापूर: द मूव्ही’ थिएटरमध्ये प्रदर्शित झाल्यापासून बॉक्स ऑफिसवर धुमाकूळ घालत आहे. ४ सप्टेंबर रोजी चित्रपटगृहात दाखल झालेल्या या सिनेमाची प्रेक्षकांमध्ये चांगलीच चर्चा रंगली आहे. प्राइम व्हिडीओवरील लोकप्रिय मालिका ‘मिर्झापूर’चा हा स्पिन-ऑफ पाहण्यासाठी चाहते बऱ्याच काळापासून उत्सुक होते. चित्रपटातील जुन्या-नव्या पात्रांसोबतच दमदार डायलॉग आणि अनेक सीन्सची सोशल मीडियावर चर्चा होत आहे.

दुसऱ्या दिवशी कमाईत २४.३ टक्क्यांची वाढ

‘मिर्झापूर: द मूव्ही’ने प्रदर्शनाच्या पहिल्याच दिवशी दमदार सुरुवात केली. शुक्रवारी चित्रपटाने २५.७५ कोटी रुपयांची कमाई केली. त्यानंतर शनिवारी चित्रपटाच्या कमाईत तब्बल २४.३ टक्क्यांची वाढ झाली.

Sacnilkच्या आकडेवारीनुसार, दुसऱ्या दिवशी म्हणजेच शनिवारी चित्रपटाने ३२ कोटी रुपयांची कमाई केली. यातील हिंदी आवृत्तीने तब्बल ३१.७५ कोटी रुपये, तर तेलुगू डब आवृत्तीने सुमारे ०.२५ कोटी रुपये कमावले.

Sonali Kulkarni On Vidyanand Bapat: ”तुझी दमछाक होऊ नये…”; विद्यानंद बापटांच्या भूमिकेवर सोनाली कुलकर्णीची कौतुकाची थाप

दोन दिवसांत ५७.७५ कोटींचा निव्वळ गल्ला

दुसऱ्या दिवसाच्या दमदार कमाईनंतर ‘मिर्झापूर: द मूव्ही’ची भारतातील एकूण निव्वळ कमाई ५७.७५ कोटी रुपयांवर पोहोचली आहे. तर चित्रपटाची भारतातील एकूण सकल कमाई ६९.३० कोटी रुपये झाली आहे.

पहिल्या दिवसाच्या तुलनेत दुसऱ्या दिवशी झालेली वाढ पाहता आगामी दिवसांमध्येही चित्रपटाची बॉक्स ऑफिसवरील कामगिरी चांगली राहण्याची अपेक्षा व्यक्त केली जात आहे. लोकप्रिय ‘मिर्झापूर’ फ्रँचायझीचा फायदा चित्रपटाला मिळताना दिसत आहे.

जुन्या आणि नव्या पात्रांनी जिंकली प्रेक्षकांची मनं

‘मिर्झापूर: द मूव्ही’मध्ये मालिकेतील अनेक लोकप्रिय कलाकार आपल्या जुन्या भूमिकांमध्ये परतले आहेत. पंकज त्रिपाठी पुन्हा एकदा कालीन भैय्याच्या भूमिकेत दिसत आहेत. तर अली फजल गुड्डू पंडित आणि दिव्येंदू मुन्ना त्रिपाठीच्या भूमिकेत परतले आहेत.

याशिवाय रसिका दुग्गल बीना त्रिपाठी, तर हर्षिता गौर डिम्पी पंडितच्या भूमिकेत दिसत आहे. चित्रपटाच्या कलाकारांमध्ये श्वेता त्रिपाठी, अभिषेक बॅनर्जी, श्रिया पिळगावकर, शीबा चड्ढा, राजेश तैलंग आणि मोहित मलिक यांचाही समावेश आहे.

The Revolutionaries: प्रेमाच्या सुरांनी सजलं ‘द रिव्होल्युशनरीज’; रोहित सराफ-प्रतिभा रांटाचं ‘माहिया’ गाणं रिलीज

गुरमीत सिंग यांनी केलं दिग्दर्शन

‘मिर्झापूर: द मूव्ही’चं दिग्दर्शन गुरमीत सिंग यांनी केलं आहे, तर चित्रपटाची कथा आणि पटकथा पुनीत कृष्णा यांनी लिहिली आहे. ॲमेझॉन एमजीएम स्टुडिओ आणि एक्सेल एंटरटेनमेंटच्या बॅनरखाली या चित्रपटाची निर्मिती करण्यात आली आहे.

रितेश सिधवानी आणि फरहान अख्तर यांनी चित्रपटाची निर्मिती केली असून, कासिम जगमगिया आणि विशाल रामचंदानी हे सहनिर्माते आहेत. आता येत्या दिवसांत ‘मिर्झापूर: द मूव्ही’ बॉक्स ऑफिसवर किती मोठा आकडा गाठतो, याकडे सर्वांचं लक्ष लागलं आहे.