मंगळवार, 22 सप्टेंबर 2026
'Pehla Pyaar Dusse Baar' Trailer Release: (फोटो सौजन्य- सोशलमीडिया)
‘पहला प्यार दूसरी बार’मधून व्हायब्रंट एनर्जी, सहजसुंदर केमिस्ट्री आणि जबरदस्त स्क्रीन प्रेझेन्ससह स्पर्श वालिया, अलीशा चोप्रा, कुणाल वैद, साक्षी वैद्य, तुषार छिब्बर आणि सरगुन कौर लुथरा मोठ्या पडद्यावर पदार्पण करणार आहेत. त्यांच्या मजेदार परिचयानंतर आता निर्मात्यांनी ट्रेलरच्या माध्यमातून या आश्वासक नव्या टीमची पहिली झलक प्रेक्षकांसमोर आणली आहे. या सहा नव्या कलाकारांच्या दमदार परफॉर्मन्ससह ‘पहला प्यार दूसरी बार’ प्रेक्षकांसाठी एक फन-फिल्ड राइड ठरण्याची तयारी करत आहे.
View this post on Instagram
लव रंजन म्हणतात, “‘पहला प्यार दूसरी बार’ची कथा त्या आठवणींशी जोडलेली आहे, ज्यांच्याकडे आपण सगळेच पुन्हा पुन्हा वळून पाहतो—शाळा, मैत्री, क्रश आणि त्या काळाला खास बनवणारी माणसं. या चित्रपटातील व्यक्तिरेखा तरुण पिढीतील असल्या, तरी त्यांच्याशी जोडलेल्या भावना सार्वत्रिक आहेत. या ह्युमर आणि यंग रोमान्सच्या दुनियेत सहा नव्या कलाकारांना घेऊन येणे हा अनुभव आणखी रोमांचक ठरला आहे. प्रेक्षक त्यांना आणि त्यांच्या प्रवासाला कशा प्रकारे स्वीकारतात, हे पाहण्यासाठी मी उत्सुक आहे.”
दिग्दर्शक अनुज सैनी पुढे म्हणतात, “‘पहला प्यार दूसरी बार’ माझ्यासाठी खूप खास आहे, कारण हा माझा दिग्दर्शकीय पदार्पणाचा चित्रपट आहे. या प्रवासाची सुरुवात करण्यासाठी यापेक्षा अधिक उत्साही आणि भन्नाट टीमची मी अपेक्षाही करू शकलो नसतो. या सहा तरुण कलाकारांनी चित्रपटात काय आणले आहे, याबद्दल मी खूप उत्साहित आहे आणि आम्ही मिळून तयार केलेला अनुभव अखेर प्रेक्षकांना कसा वाटतो, हे पाहण्यासाठी मी आतुर आहे.”
‘पहला प्यार दूसरी बार’ हा चित्रपट ‘लव फिल्म्स’द्वारे प्रस्तुत करण्यात येत असून, त्याचे दिग्दर्शन अनुज सैनी यांनी केले आहे. लव रंजन आणि अंकुर गर्ग या चित्रपटाचे निर्माते आहेत. हा चित्रपट 23 ऑक्टोबर 2026 रोजी जगभरातील चित्रपटगृहांमध्ये प्रदर्शित होणार आहे.
