तारिणी आणि तिची संपूर्ण टीम आता गुलाब आणि युवराजला पकडण्यासाठी चांगलाच सापळा रचत आहेत. मालिकेने याचा प्रोमो देखील शेअर केला आहे. ऑरगन ट्राफिकिंगचा मास्टरमाईंड गुलाब हा मुंबईतच असल्याची पक्की खबर तारिणीला लागते. त्यावेळी रेवा असं विचारते की याला पकडायचं कसं त्यावेळी तेव्हा तारिणी म्हणते की मोठा मासा गळाला लागयचा असेल तर आधी छोटा मासा पकडायला पाहिजेत. त्यावर रेवा पुन्हा तारिणी विचारते की, म्हणजे ? तारिणी म्हणते की, .युवराज. झी मराठीच्या सोशल मीडियावर शेअर केलेल्य़ा या प्रोमोच्या खाली तारिणी करणार पलटवार असं कॅप्शन देण्यात आलं आहे. या प्रोमोवर नेटकऱ्यांनी कौैतुकाचा वर्षाव देखील केला आहे.
झी मराठीवरील लोकप्रिय मालिकांपैकी एक म्हणजे तारिणी मालिका. सध्या मालिकेत होत असलेल्या ट्विस्टमुळे प्रेक्षकांचं लक्ष खिळून आहे. आता तारिणी आणि टीम काय खेळी खेळणार ? गुलाब आणि युवराजला पकडण्याचा तारिणीचा डाव यशस्वी होईल का हे पाहणं आता महत्वाचं ठरणार आहे.
.png "Videos"){kind=small}
