Image
मुंबई : बॉलिवूड अभिनेता टायगर श्रॉफच्या कारवर जुहू येथे झालेल्या गोळीबार प्रकरणाच्या तपासाला वेग आला असून, या घटनेत वापरण्यात आलेल्या बाईकबाबत महत्त्वाची माहिती समोर आली आहे. हल्लेखोरांनी गोळीबारासाठी वापरलेली पल्सर बाईक अवघ्या २५ हजार रुपयांना खरेदी केल्याची माहिती पोलिसांच्या चौकशीत समोर आल्याचं सांगितलं जात आहे. विशेष म्हणजे, बाईकची संपूर्ण आर्थिक देवाणघेवाण झाली होती; मात्र नवरात्रीमुळे तिच्या मालकी हक्काच्या कागदपत्रांचं हस्तांतरण रखडलं होतं.
मिळालेल्या माहितीनुसार, गोळीबारासाठी वापरण्यात आलेली पल्सर बाईक मूळतः जोगेश्वरीतील एका व्यक्तीच्या नावावर होती. या पहिल्या मालकाने बाईक दुसऱ्या व्यक्तीला विकली. त्यानंतर दुसऱ्या व्यक्तीकडून ती तिसऱ्या मालकाकडे गेली. पुढे या तिसऱ्या मालकाकडून संबंधित आरोपींनी ही बाईक २५ हजार रुपयांना खरेदी केली होती. बाईकच्या खरेदी-विक्रीचे व्यवहार पूर्ण झाले होते आणि तिसऱ्या मालकाला ठरलेली रक्कमही मिळाली होती. मात्र, बाईकचं आरसी बुक आणि इतर कायदेशीर कागदपत्रं नव्या मालकाच्या नावावर हस्तांतरित करणं बाकी होतं. नवरात्रीचा काळ सुरू असल्यामुळे कागदपत्रांची प्रक्रिया नंतर पूर्ण करण्याचं ठरल्याची माहिती समोर आली आहे.
बाईकची प्रत्यक्ष खरेदी झाली असली, तरी कागदोपत्री मालकी हस्तांतरण पूर्ण झालं नव्हतं. त्यामुळे गोळीबाराच्या घटनेनंतर तपासात या बाईकचा माग काढताना पोलिसांसमोर महत्त्वाचा दुवा आला. आरोपींनी याच बाईकचा वापर टायगर श्रॉफच्या कारवर गोळीबार करण्यासाठी केल्याची माहिती तपासात समोर आल्याचं सांगितलं जात आहे.
बाईक अद्याप कागदोपत्री जुन्याच मालकाच्या नावावर असल्याने मुंबई पोलिसांनी संबंधित व्यक्तीला चौकशीसाठी ताब्यात घेतल्याची माहिती आहे. बाईक कोणाकडून खरेदी करण्यात आली, ती आरोपींपर्यंत कशी पोहोचली आणि व्यवहारामागे आणखी कोणाचा सहभाग होता, याचा तपास केला जात आहे. या बाईकच्या खरेदी-विक्रीची साखळी आणि संबंधित व्यक्तींकडून मिळणारी माहिती यांचा आधार घेत पोलीस गोळीबार प्रकरणातील इतर संभाव्य सूत्रधारांपर्यंत पोहोचण्याचा प्रयत्न करत आहेत. तपासातून आणखी कोणती माहिती समोर येते, याकडे लक्ष लागलं आहे.
Ans: या प्रकरणात पल्सर बाईक वापरण्यात आल्याची माहिती समोर आली आहे.
Ans: पोलिसांच्या चौकशीत समोर आलेल्या माहितीनुसार, ही बाईक २५ हजार रुपयांना खरेदी करण्यात आली होती.
Ans: नवरात्रीमुळे आरसी बुक आणि इतर कायदेशीर कागदपत्रं नावावर करण्याची प्रक्रिया पुढे ढकलण्यात आल्याची माहिती आहे.
.png "Videos"){kind=small}
