गिरणी कामगारांसाठी मोठी बातमी! १५ लाखांत मिळणार तयार घरं; सरकारचा नवा निर्णय, कुठे मिळणार फ्लॅट?

मुंबईतील गिरणी कामगारांना हक्काचं घर मिळण्याची प्रतीक्षा आता संपण्याची शक्यता आहे. राज्य सरकारने घरांच्या योजनेतील नियमांमध्ये महत्त्वाचे बदल केले असून, १५ लाख रुपयांत तयार फ्लॅट उपलब्ध करून देण्याचे नियोजन केले आहे. मात्र, या घरांसाठी नेमके कोणते नियम असतील आणि कुठे घरे मिळणार, हे जाणून घेणे महत्त्वाचे आहे.

• पात्र कामगार आणि त्यांच्या वारसांना घरे उपलब्ध करून देण्यासाठी सरकारने नियमांमध्ये बदल केले आहेत.
• खासगी विकासकांसाठी असलेली ३० एकर जमिनीची अट काढून किमान एक एकर जमिनीची तरतूद करण्यात आली आहे.
• म्हाडामार्फत मुंबई महानगर प्रदेशातील खासगी विकासकांकडून तयार घरे खरेदी करण्याचे नियोजन आहे.

मुंबईतील बंद आणि आजारी कापड गिरण्यांमधील पात्र कामगार आणि त्यांच्या वारसांना एमएमआरमध्ये घरे उपलब्ध करून देण्यासाठी राज्य सरकारच्या गृहनिर्माण विभागाने नियमांमध्ये मोठे बदल केले आहेत. १५ मार्च २०२४ च्या मूळ शासन निर्णयात महत्त्वपूर्ण बदल करून, सरकारने सोमवारी एक नवीन आदेश जारी केला. या नवीन निर्णयानुसार, खाजगी विकासकांसाठी असलेली जमिनीची जाचक अट कमी करण्यात आली आहे. प्रकल्पांमधील एफएसआय देखील वाढवण्यात आला आहे, ज्यामुळे घरबांधणीचा वेग वाढण्यास मार्ग मोकळा झाला आहे. याशिवाय, १५ लाख रुपयांमध्ये राहण्यासाठी तयार घरे उपलब्ध करून देण्याची तयारी सुरू झाली आहे. यामुळे मुंबईतील गिरणी कामगारांना लवकरच परवडणारी घरे उपलब्ध होण्याचा मार्ग मोकळा झाला आहे.

Navaratri 2026: मुंबईतील झोपडपट्टीवासीयांसाठी गुड न्यूज? मंत्री पीयूष गोयल नेमके काय म्हणाले?

१९८२ च्या ऐतिहासिक संपामुळे मुंबईतील ५८ कापड गिरण्या बंद किंवा आजारी घोषित करण्यात आल्या होत्या. विविध कामगार संघटना राज्य सरकारकडे या गिरण्यांमधील हजारो पात्र कामगारांना आणि त्यांच्या वारसांना घरे उपलब्ध करून देण्याची मागणी करत आहेत. त्यांना जलद गतीने घरे उपलब्ध करण्यासाठी
सरकारने मूळ धोरणात अंशतः सुधारणा करण्याचा निर्णय घेतला आहे. या शासन निर्णयातील प्रमुख तरतुदींमध्ये, मॉडेल २ आणि ३ अंतर्गत खाजगी विकासकांना मंजूर लेआउटवर घरे बांधण्यासाठी असलेली ३० एकर जमिनीची अट काढून टाकली आहे. आता विकासकाकडे किमान एक एकर जमीन असली किंवा त्याच्याकडे हस्तांतरणीय नसलेले मुखत्यारपत्र असले तरीही काम सुरू करता येईल.

JJ Hospital : भारतातील पहिले ‘हाना’ टेबल जे.जे. रुग्णालयात; हिप रिप्लेसमेंट शस्त्रक्रियांना मिळणार आधुनिक तंत्रज्ञानाची जोड!

असे केले आहे नियोजन

गिरणी कामगारांना तत्काळ निवारा देण्यास सरकारने म्हाडामार्फत खाजगी बिल्डर्सक राहण्यासाठी तयार असलेले फ्लॅट खरेदी करण्ट योजना विकसित केली आहे. नवीन नियमांनुस म्हाडा मुंबई महानगर प्रदेशातील अशा प्रकल्प विकासकांकडून स्वारस्य अभिव्यक्ती मागब ज्यात किमान १०० राहण्यासाठी तयार प असतील. या धोरणांतर्गत, बिल्डरकडून प जास्तीत जास्त १५ लाख रुपये किंवा स्थाि रेडी रेकनर दर, यापैकी जी किंमत कमी अस त्या दराने खरेदी केले जातील.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)