(फोटो सौजन्य-सोशल मीडिया)
Tiger Shroff Comeback: बॉलिवूड अभिनेता टायगर श्रॉफ गोळीबाराच्या घटनेनंतर पुन्हा एकदा चर्चेत आला आहे. जवळपास महिनाभर सोशल मीडियापासून दूर राहिल्यानंतर अभिनेत्याने दमदार पुनरागमन केलं आहे. सोमवारी टायगरने त्याच्या आगामी ‘तेनू लेके जाना’ या गाण्याचा टीझर इन्स्टाग्रामवर शेअर केला. त्याचा डॅशिंग लूक आणि जबरदस्त डान्स पाहून चाहते आनंदित झाले असून, सोशल मीडियावर त्याच्यावर प्रेमाचा वर्षाव करत आहेत.
१८ ऑक्टोबर रोजी जुहू परिसरात टायगर श्रॉफवर गोळीबाराची घटना घडली होती. या घटनेनंतर अभिनेत्याची ही पहिली सोशल मीडिया पोस्ट आहे. शेअर केलेल्या टीझरमध्ये टायगर काळ्या रंगाच्या टक्सीडोमध्ये दिसत असून, त्याचा फिटनेस आणि डॅशिंग अंदाज चाहत्यांचे लक्ष वेधून घेत आहे. त्याच्यासोबत अभिनेत्री केतिका शर्मा देखील दिसत आहे. टायगरच्या या पुनरागमनामुळे चाहत्यांमध्ये उत्साहाचे वातावरण आहे.
‘तेनू लेके जाना’मध्ये टायगर-केतिकाची रोमँटिक केमिस्ट्री
टायगर श्रॉफचे ‘तेनू लेके जाना’ हे गाणे टी-सीरीजच्या बॅनरखाली १८ नोव्हेंबर २०२६ रोजी प्रदर्शित झाले आहे. हे २००९ मध्ये आलेल्या ‘जय वीरू’ चित्रपटातील ‘तेनू ले’ या गाण्याचे नवीन व्हर्जन आहे. मूळ गाणे ओमर इनायत यांनी गायले होते, तर त्यात कुणाल खेमू आणि अंजना सुखानी दिसले होते. नव्या व्हर्जनमध्ये टायगर श्रॉफ आणि केतिका शर्मा यांची जोडी प्रेक्षकांना पाहायला मिळणार आहे.
‘एक और चांस, एक और डांस’; टायगरच्या डान्स मूव्ह्सची चर्चा
गाण्याचा टीझर शेअर करत टायगरने ‘एक और चांस, एक और डांस’ असे कॅप्शन दिले आहे. टीझरमध्ये त्याचे अप्रतिम डान्स मूव्ह्स, सिक्स पॅक अॅब्स आणि रोमँटिक अंदाज पाहायला मिळत आहे. केतिका शर्मासोबतची त्याची केमिस्ट्रीही चाहत्यांना आवडली आहे.
टायगरच्या बहिणी कृष्णा श्रॉफनेही भावाच्या कमबॅकवर आनंद व्यक्त केला आहे. तिने कमेंट सेक्शनमध्ये फायर इमोजी शेअर केला, तर दुसऱ्या कमेंटमध्ये ‘तो परत आला आहे’ असे म्हटले. चाहत्यांनीही टायगरच्या पोस्टवर भरभरून प्रतिक्रिया दिल्या. एका चाहत्याने ‘आमचा हिरो परत आला आहे’, तर दुसऱ्याने ‘टायगर २.० व्हर्जन लोड झाले आहे’ अशी कमेंट केली. अनेक चाहत्यांनी बऱ्याच दिवसांनंतर टायगरला सोशल मीडियावर पाहून आनंद व्यक्त केला.
सोशल मीडियावर पुनरागमन करण्यापूर्वी टायगर श्रॉफ कामावरही परतला आहे. हिंदुस्तान टाइम्सच्या वृत्तानुसार, त्याने नुकतेच पुण्यात जान्हवी कपूरसोबतच्या आगामी ‘लग जा गले’ चित्रपटातील एका गाण्याचे चार दिवसांचे शूटिंग पूर्ण केले. हे चित्रीकरण पुण्यातील कल्याणी नगर परिसरातील एका प्रसिद्ध पबमध्ये झाले. या गाण्याचे नृत्यदिग्दर्शन बॉस्को मार्टिस यांनी केले आहे.
चित्रीकरणादरम्यान टायगर सोनेरी केसांच्या लूकमध्ये दिसला. शूटिंगच्या मधल्या वेळेत तो नर्तक आणि कर्मचाऱ्यांसोबत फोटो काढतानाही दिसल्याचे वृत्त आहे. त्यामुळे गोळीबाराच्या घटनेनंतर टायगर आता पुन्हा कामात सक्रिय झाला असून, त्याच्या आगामी प्रोजेक्ट्सकडे चाहत्यांचे लक्ष लागले आहे.
Aai Tuljabhavani Serial: महादेवांचं गुपित तुळजाईला समजलं; आता मायावी पानामुळे रंगणार अनोखा लपंडाव!






