Vandana Gupte: (फोटो सौजन्य- सोशलमीडिया)
मराठीत एक नाव घेतलं की लगेच डोळ्यासमोर येते, ती म्हणजे वंदना गुप्ते. नाटक, सिनेमा, मालिका… कुठेही जा, त्यांनी आपली छाप सोडलीच आहे. त्यांचं काम जितकं भारी, तितकेच त्यांचे किस्से पण भारी असतात. नुकतीच त्यांनी एका मुलाखतीत असा एक किस्सा सांगितला की, ऐकून सगळेच हसले. हा किस्सा आहे बाळासाहेब ठाकरे यांच्याबद्दलचा.
वंदना गुप्तेंची काळजी वाटल्यामुळे बाळासाहेबांनी त्यांना बंदुकीचं लायसन्स काढून द्यायचं म्हटलं होतं. पण त्यावर त्यांचे नवरे शिरीष गुप्ते यांनी जे उत्तर दिलं, ते ऐकून बाळासाहेब पण हसले असतील. Vandana Gupte:
वंदना गुप्ते यांनी नुकतीच मुग्धा गोडबोले-रानडे यांना ‘आरपार’ या युट्यूब चॅनेलवर मुलाखत दिली. तिथे त्यांनी ही आठवण सांगितली. त्या म्हणाल्या, “त्यावेळी नाटकांचे प्रयोग असायचे. प्रयोग संपायला रात्रीचे 12, 1 वाजायचे. कधी कधी घरी पोहोचायला दीड-दोन वाजायचे.
“पण गंमत म्हणजे त्यांना त्यावेळी कधीच भीती वाटली नाही. रात्री उशिरा एकटं येणं-जाणं, याचं त्यांना टेन्शन नव्हतं. त्या बिनधास्त फिरायच्या. आता विचार केला तर वाटतं, त्या काळात तरी लोक बिनधास्त होते.
बाळासाहेबांचं आणि आमच्या घराचं नातंवंदना गुप्ते यांच्या घराचं बाळासाहेब ठाकरे यांच्याशी खूप जवळचं नातं होतं. बाळासाहेब त्यांना लाडाने ‘भूत’ म्हणायचे. हो, खरंच.
वंदना गुप्ते यांना ते ‘भूत’ म्हणायचे. आणि ते नेहमी शिरीष गुप्ते यांना विचारायचे, “काय रे, भूत कुठे आहे? आली का घरी?”एकदा असंच झालं. वंदना रात्री उशिरा घरी येत होत्या. ही गोष्ट बाळासाहेबांच्या कानावर गेली. त्यांना काळजी वाटली. एक बाई रात्री एवढ्या उशिरा येते-जाते, तिला काही त्रास नको व्हायला. म्हणून त्यांनी शिरीष गुप्ते यांना विचारलं.”शिरीष, वंदना एवढ्या उशिरा येतात-जातात. त्यांच्यासाठी बंदुकीचं लायसन्स काढून देऊ का? स्वतःच्या रक्षणासाठी तरी बरं होईल.
“बाळासाहेबांचं हे बोलणं ऐकून शिरीष गुप्ते गप्प बसले नाहीत. त्यांनी लगेच मिश्कीलपणे उत्तर दिलं.ते म्हणाले, “नको नको साहेब, अजिबात नको. नाहीतर पहिला खून माझाच होईल!”
हे ऐकून वंदना गुप्ते यांनाही हसू आवरलं नाही. हा किस्सा सांगताना त्या मुलाखतीत पण खळखळून हसल्या. नवरा-बायकोमधली ही मस्ती, ही गम्मत, ती त्यांच्या बोलण्यातून कळत होती.
वंदना गुप्ते यांनी गेली कित्येक वर्षं मराठी प्रेक्षकांचं मनोरंजन केलंय. त्यांचे सिनेमे बघा. ‘बाईपण भारी देवा’ मध्ये त्यांनी कमाल केली. ‘डबल सीट’, ‘टाईमपास’, ‘बकेट लिस्ट’ या सिनेमांमधल्या त्यांच्या भूमिका लोकांच्या लक्षात राहिल्या.
मालिकांमध्ये पण त्यांनी काम केलंय. ‘सुखाच्या सरींनी हे मन बावरे’ या मालिकेतली त्यांची भूमिका खूप गाजली होती. लोक आजही ती आठवणीने सांगतात.आणि नाटकं तर त्यांचा जीवच. ‘चारचौघी’, ‘चार दिवस प्रेमाचे’, ‘सुंदर मी होणार’, ‘शू… कुठे बोलायचं नाही’ अशी कितीतरी नाटकं त्यांनी गाजवलीत. स्टेजवर त्या आल्या की लोक हसायचे, रडायचे, टाळ्या वाजवायचे.
Sunita Ahuja Get Emotional: ‘घरातलं चैतन्य हरवलंय…’ दिवाळीच्या आधीच सुनीता आहुजा भावुक
वंदना गुप्ते या मोठ्या गायिका माणिक वर्मा यांच्या मुलगी आहेत. घरातच कला होती. 1973 साली त्यांचं लग्न अॅड. शिरीष गुप्ते यांच्याशी झालं. तेव्हापासून आजपर्यंत दोघांची जोडी एकदम घट्ट आहे.अशा या वंदना गुप्ते यांचा हा बाळासाहेबांबद्दलचा किस्सा आता सगळीकडे फिरतोय. लोकांना तो खूप आवडतोय. कारण त्यात प्रेम आहे, काळजी आहे आणि मिश्कीलपणा पण आहे.
.png "Videos"){kind=small}
