छत्तीसगडमधून एक मोठी बातमी समोर येत आहे. छत्तीसगडमध्ये मंगळवारी रात्री एका खासगी कंपनीची बस 50 फूट खोल दरीत कोसळून भीषण अपघात (Chhattisgarh Bus Accident)घडला आहे. या अपघातात 14 जणांचा मृत्यू झाला तर 12 जण जखमी झाले आहेत. मृतांमध्ये अनेक महिलांचाही समावेश आहे. या घटनेमुळे सर्वत्र हळहळ व्यक्त करण्यात येत आहे.
[read_also content=”उत्तराखंडमध्ये २०० फूट दरीत कार कोसळली, अपघातामध्ये ८ जणांचा मृत्यू https://www.navarashtra.com/state/car-falls-into-200-feet-gorge-in-uttarakhand-8-killed-in-accident-car-accident-uttarakhand-nepal-pepole-nrsk-521927.html”]
मिळालेल्या माहितीनुसार, छत्तीसगडमधील रायपूर-दुर्ग मार्गावर रात्री उशिरा हा अपघात घडला. या अपघाताची माहिती मिळताच पोलीस आणि बचाव पथक घटनास्थळी पोहोचले. सध्या दरीत पडलेल्या बसमध्ये अडकलेल्या लोकांना बाहेर काढण्यात येत आहे. या बसमध्ये खासगी कंपनीचे कर्मचारी होते.
बस अपघातावर शोक व्यक्त करत मुख्यमंत्री विष्णुदेव साई यांनी प्रशासनाला जखमींवर उपचार करण्याचे निर्देश दिले आहेत. मुख्यमंत्र्यांनी त्यांच्या सोशल मीडिया प्लॅटफॉर्म X च्या अधिकृत हँडलवरून अपघातातील मृतांच्या कुटुंबियांप्रती शोक व्यक्त केला आहे. मुख्यमंत्र्यांनी लिहिले की, दुर्ग येथील कुम्हारीजवळ एका खासगी कंपनीच्या कर्मचाऱ्यांनी भरलेल्या बसला अपघात झाल्याची दुःखद माहिती मिळाली. या अपघातात 11 कर्मचाऱ्यांचा मृत्यू झाल्याची माहिती मिळत आहे. दिवंगत आत्म्याला शांती आणि शोकाकुल परिवाराला शक्ती देवो हीच ईश्वर चरणी प्रार्थना. अपघातात जखमी झालेल्या कर्मचाऱ्यांच्या उपचारासाठी योग्य व्यवस्था करण्यात आली आहे. त्याला लवकरात लवकर बरे व्हावे अशी माझी इच्छा आहे.
छत्तीसगड बस अपघाताची माहिती मिळाल्यानंतर पंतप्रधान नरेंद्र मोदी यांनीही शोक व्यक्त केला आहे. छत्तीसगडमधील दुर्ग येथे झालेला बस अपघात अत्यंत दुःखद असल्याचे पंतप्रधानांनी त्यांच्या ट्विटर हँडलवर लिहिले आहे. ज्यांनी आपले प्रियजन गमावले आहेत त्यांच्याबद्दल माझ्या संवेदना. यासोबतच जखमींची प्रकृती लवकरात लवकर बरी होवो अशी मी कामना करतो. राज्य सरकारच्या देखरेखीखाली स्थानिक प्रशासन पीडितांना सर्वतोपरी मदत करण्यात गुंतले आहे.
छत्तीसगढ़ के दुर्ग में हुआ बस हादसा अत्यंत दुखद है। इसमें जिन्होंने अपने प्रियजनों को खोया है, उनके प्रति मेरी संवेदनाएं। इसके साथ ही मैं घायलों के शीघ्र स्वस्थ होने की कामना करता हूं। राज्य सरकार की निगरानी में स्थानीय प्रशासन पीड़ितों की हरसंभव मदद में जुटा है। — Narendra Modi (@narendramodi) April 9, 2024
