प्रतापगड : उत्तर प्रदेशातून एक धक्कादायक बातमी समोर आली आहे. खर्चासाठी पैसे दिले नाहीत म्हणून मुलाने वडिलाची हत्या केल्याचा प्रकार समोर आला आहे. आरोपी मुलाने वडिलांना मारण्यासाठी सुपारी दिल्याची माहिती समोर आली आहे.
16 वर्षांच्या मुलाने संतापाच्या भरात वडिलांना संपवण्याची जबाबदारी तिघांकडे दिली होती. यासाठी मुलाने आरोपींना दीड लाख रुपयेदेखील दिले होते. आरोपींना अटक झाल्यानंतर पोलिसांच्या चौकशीत हा सगळा खळबळजनक प्रकार समोर आला आहे. यातील धक्कादायक बाब म्हणजे हत्येसाठी मुलाने आरोपींना तब्बल सहा लाख रुपये देण्याचे मान्य केले होते. हत्येआधी मुलाने आरोपींना दीड लाख रुपयेदेखील दिले होते. वडील खर्चासाठी हवे तेवढे पैसे देत नव्हते. त्यामुळे मुलाने त्यांना संपवण्याची योजना आखल्याचे पोलिस तपासात समोर आले आहे.
पोलिसांनी याप्रकरणी हत्या करणाऱ्या आरोपींसह अल्पवयीन मुलाला अटक केली आहे. पोलिसांनी दिलेल्या माहितीनुसार, गुरुवारी पट्टी भागात तीन बाईकस्वार आरोपींनी व्यावसायिक मोहम्मद नईम यांची गोळी मारून हत्या केली होती. त्यानंतर पोलिसांनी पीयूष पाल, शुभम सोनी आणि प्रियांशु यांना अटक केली होती.
.png "Videos"){kind=small}
