डेहराडून : उत्तराखंडमधल्या डेहराडून इथून अनैतिक संबंधातून खून झाल्याची (Murder in Uttarakhand) एक धक्कादायक घटना समोर आली आहे. एका लग्न सोहळ्यादरम्यान तिथल्या आचाऱ्याशी एका महिलेचे संबंध जुळले आणि त्यातून तिने प्रियकराच्या मदतीने आपल्या पतीचा खून (Husband Murder) केला. या प्रकरणाचा खुलासा झाल्यानंतर परिसरात खळबळ उडाली. ही महिला आणि तिच्या प्रियकराला अटक (Lover Arrest) करण्यात आली आहे.
डाकपत्थर पोलिस ठाण्याच्या हद्दीत जलालिया पीर परिसरात यमुना नदीमध्ये 19 ऑक्टोबरला एक मृतदेह सापडला होता. माहिती मिळताच पोलिस घटनास्थळी दाखल झाले आणि पंचनामा केला. पण त्यावेळी मृताची ओळख पटली नव्हती. त्याच्या गळ्यावर काही खुणा आढळल्या होत्या. दुसऱ्याच दिवशी मृतदेहाची ओळख पटली. अरुण कुमार उर्फ जुगनू असे मृतकाचे नाव असल्याचे उघड झाले. त्यानंतर त्याचा भाऊ नितीनच्या तक्रारीवरुन अज्ञाताविरोधात एफआयआर नोंदवण्यात आला.
पोलिसांनी दिलेल्या माहितीनुसार, या प्रकरणाचा छडा लावण्यासाठी पोलिसांनी सीसीटीव्ही फुटेज तपासले. या दरम्यान पोलिसांना अमरोहामधल्या परम सिंह उर्फ गुड्डू नावाच्या व्यक्तीवर संशय आला. चौकशीदरम्यान त्याने सांगितले की तो आचारी आहे.
अरुणची पत्नी रमिता त्याला एका लग्न सोहळ्यामध्ये भेटली होती. त्यानंतर दोघांच्यात जवळीक वाढली. त्यानंतर रमिताने आपल्या पतीला दोघांच्या मधून बाजूला करण्याबाबत दबाव टाकायला सुरुवात केली. असे न केल्यास तुला खोट्या प्रकरणांमध्ये गुंतवेन, अशी धमकीही रमिताने गुड्डूला दिली. यानंतर दोघांनी मिळून हत्येचा कट रचला.
.png "Videos"){kind=small}
