भाजप आमदाराने थेट कलेक्टरवर उचलला हात; दोघेही एकमेकांना म्हणाले चोर,व्हिडिओ व्हायरल

मध्य प्रदेशातील भिंडमध्ये भाजप आमदाराने कलेक्टरला कानाखाली मारण्यासाठी हात वर केला. यादरम्यान अनेक शिवीगाळही झाली. याचा व्हिडिओ समोर आला आहे.

मध्य प्रदेश : मध्य प्रदेशातील भिंड येथे खतांच्या संकटावरून आक्रमक शेतकरी रस्त्यावर रोष व्यक्त करत होते. पण या निदर्शनादरम्यान जे घडले त्याने सर्वांनाच आश्चर्याचा धक्का दिला आहे. भिंड येथील भाजप आमदार नरेंद्र सिंह कुशवाह यांनी शेतकऱ्यांच्या समस्येवरून जिल्हाधिकारी संजीव श्रीवास्तव यांच्या बंगल्याबाहेर धरणे आंदोलन केले. हे प्रकरण इतके वाढले की आमदार आणि जिल्हाधिकारी यांच्यात जोरदार वाद झाला. यादरम्यान आमदारांनी केवळ जिल्हाधिकाऱ्यांना शिवीगाळ केली नाही तर त्यांच्यावर हात उचलण्याचा प्रयत्नही केला, त्यानंतर तेथे उपस्थित असलेल्या सुरक्षारक्षकांना हस्तक्षेप करावा लागला.

जिल्ह्यातील वाढत्या खत संकटामुळे हा संपूर्ण वाद झाला. शेतकऱ्यांचा आरोप आहे की त्यांना रात्री उशिरापासून खतासाठी सहकारी संस्थांबाहेर रांगा लावाव्या लागत आहेत, तरीही त्यांना फक्त एक किंवा दोन पोती खत मिळत आहे. शेतकऱ्यांचे असेही म्हणणे आहे की खुल्या बाजारात तेच खत सहज चढ्या दराने विकले जात आहे, त्यामुळे काळाबाजार होण्याची शक्यता वाढली आहे. प्रशासनाकडून कोणतेही ठोस पाऊल उचलले जात नसल्याने संतप्त शेतकरी आमदारांसह जिल्हाधिकारी यांच्या निवासस्थानाला घेराव घालण्यासाठी आले होते.

राजकीय बातम्या वाचण्यासाठी क्लिक करा

“औकातमध्ये राहा” आणि कानाखाली मारण्याची धमकी

जिल्हाधिकारी संजीव श्रीवास्तव त्यांच्या बंगल्याच्या गेटवर आंदोलकांशी बोलण्यासाठी आले तेव्हा आमदार नरेंद्र सिंह कुशवाहा त्यांना शिवीगाळ करू लागले. जिल्हाधिकाऱ्यांनीही त्यांच्याकडे बोट दाखवत म्हटले, “तुमच्या मर्यादेत बोला.” हे ऐकून आमदारांचा राग वाढला आणि त्यांनी मुठी आवळून जिल्हाधिकाऱ्यांना दाखवली. जिल्हाधिकाऱ्यांनी वाळू चोरी होऊ दिली जाणार नाही असे सांगितले तेव्हा आमदारांनी ‘तू सर्वात मोठा चोर आहेस’ असे प्रत्युत्तर दिले. वाद इतका तापला की आमदारांनी जिल्हाधिकाऱ्यांना कानाखाली मारण्यासाठी हात वर केला, परंतु सुरक्षा रक्षकांनी हस्तक्षेप करून परिस्थिती नियंत्रणात आणली.

See more

कलेक्टर भिंड संजीव श्रीवास्तव पर मुक्का तानते हुए ये भिंड से बीजेपी के माननीय विधायक नरेंद्र सिंह कुशवाह जी हैं! @GargiRawat @manishndtv @alok_pandey pic.twitter.com/cKGNSbg9Rn

— Anurag Dwary (@Anurag_Dwary) August 27, 2025

महाराष्ट्रसंबंधित बातम्या वाचण्यासाठी क्लिक करा 

बंडखोरीचा मोठा इतिहास

नरेंद्र सिंह कुशवाहा यांनी स्वतःच्या सरकार आणि प्रशासनाशी संघर्ष केल्याची ही पहिलीच घटना नाही. त्यांचा राजकीय इतिहास बंडखोरीने भरलेला आहे. २००८ आणि २०१८ मध्ये भाजपने त्यांचे तिकीट कापले तेव्हा त्यांनी बंड केले आणि समाजवादी पक्षात सामील झाले आणि निवडणूकही लढवली. तथापि, २०२३ मध्ये ते भाजपमध्ये परतले आणि तिसऱ्यांदा भिंडमधून आमदार म्हणून निवडून आले. सुमारे ९ वर्षांपूर्वी त्यांनी त्यांच्याच सरकारचे तत्कालीन राज्यमंत्री लाल सिंह आर्य यांना एका प्रकरणात सभागृहात कोंडीत पकडले होते, यावरून असे दिसून येते की ते समोर कोणीही असले तरी त्यांचे म्हणणे मांडण्यापासून कधीही मागे हटत नाहीत.