पटणा : बिहारमधील विधानसभा निवडणुकीसाठी मोठ्या राजकीय पक्षांबरोबरच प्रादेशिक पक्षांमध्येही चुरस आहे. असदुद्दीन ओवेसी यांच्या ऑल इंडिया मजलिस-ए-इत्तेहाद-उल मुस्लिमीन (एआयएमआयएम) पक्षातर्फे बिहार निवडणुकीत आणखी 18 जागांवर उमेदवार उभे करण्याची घोषणा करण्यात आली आहे.
AIMIM ने आधीच 32 जागांवर निवडणूक लढवण्याची तयारी केली होती. AIMIM ने आतापर्यंत 50 जागांवर उमेदवार उभे करण्याची घोषणा केली आहे. यापूर्वी 10 जून रोजी पक्षाने 32 जागांवर निवडणूक लढवण्याची घोषणा केली होती. एकूणच, आतापर्यंत असदुद्दीन ओवेसी यांच्या पक्षाने बिहार विधानसभा निवडणुकीत ५० जागांवर निवडणूक लढवण्याची घोषणा केली आहे. अख्तरुल इमान म्हणाले की, विधानसभा निवडणुकीत एनडीएच्या विरोधात असलेल्या कोणत्याही पक्षाशी किंवा आघाडीशी समन्वय साधण्यात कोणताही संकोच नाही.
या जागांवर उमेदवार उभे करणार
ओवेसी यांच्या पक्षाने ज्या जागांवर निवडणूक लढवण्याची घोषणा केली. त्यात कोचाधामन, किशनगंज, बहादुरगंज, ठाकूरगंज, कसबा, अररिया, नरपतगंज, छटापूर, प्राणपूर, जाले, दरभंगा, सुगौली, भागलपूर, गया, पूर्णिया, धमदहा, पिरो आणि इस्याचा समावेश आहे.
.png "Videos"){kind=small}
