दुष्काळ जाहीर करुन सरकारने केलं शेतकऱ्यांना दिलासा देण्याचं काम : संजय शिरसाट

पश्चिम महाराष्ट्रातील काही भाग, कोकणातील काही भाग आणि मराठवाड्यातीलही काही भाग यामध्ये आहेत. परंतु सर्वाधिक दुष्काळाची झळ विदर्भ आणि मराठवाड्याला बसली आहे. त्याचबरोबर उर्वरित खान्देशातील काही भागांनाही दुष्काळाचा फटका बसला आहे. म्हणून सरकारने तातडीने घोषणा करून शेतकऱ्यांना दिलासा दिला आहे.

छत्रपती संभाजीनगर : महाराष्ट्र शासनाने आणि महायुतीने आज दुष्काळाची जी घोषणा केली आहे, त्याचं सर्वत्र अभिनंदन केलं जात आहे आणि आभारही मानले जात आहेत. मुख्यमंत्र्यांनी आणि उपमुख्यमंत्र्यांनी जे दौरे केले, त्या दौऱ्यांमध्ये त्यांना दुष्काळाची वास्तविक परिस्थिती जाणवली. काही लोकांचा असा संभ्रम होता की, ५ तारखेनंतर पंचनामे होतील आणि त्यानंतर दुष्काळ जाहीर केला जाईल. पण सरकारने त्याची वाट न पाहता २६५ तालुक्यांमध्ये दुष्काळ जाहीर केला आहे, असे मंत्री संजय शिरसाट यांनी म्हटले आहे.

५ तारखेनंतर पंचनामे होतील आणि त्यानंतर दुष्काळ जाहीर केला जाईल. पण सरकारने त्याची वाट न पाहता २६५ तालुक्यांमध्ये दुष्काळ जाहीर केला आहे. यामध्ये शेतकऱ्यांसाठी आवश्यक असलेल्या सर्व बाबींचा समावेश करण्यात आला आहे. ‘२६५ तालुकेच का?’ असा अनेकांचा समज आहे. परंतु अनेक भाग असे आहेत, जिथे दुष्काळाची परिस्थिती नाही. उदाहरणार्थ, पश्चिम महाराष्ट्रातील काही भाग, कोकणातील काही भाग आणि मराठवाड्यातीलही काही भाग यामध्ये आहेत. परंतु सर्वाधिक दुष्काळाची झळ विदर्भ आणि मराठवाड्याला बसली आहे. त्याचबरोबर उर्वरित खान्देशातील काही भागांनाही दुष्काळाचा फटका बसला आहे. म्हणून सरकारने तातडीने घोषणा करून शेतकऱ्यांना दिलासा दिला आहे.

दरम्यान, या संदर्भात येणाऱ्या कॅबिनेट बैठकीत एकरी किती मदत द्यायची, याबाबत सविस्तर निर्णय घेतला जाईल. सर्व मंत्र्यांच्या संमतीने हा निर्णय मंगळवारी घेतला जाईल. मीदेखील सरकारचं अभिनंदन करतो. शरद पवारांच्या गटानेही या निर्णयाचं अभिनंदन केलं आहे. या दुष्काळावर जास्त राजकारण न करता, शेतकऱ्यांसाठी जो कोणी लढतोय, तो विरोधी पक्षातील असो किंवा सत्तेतील, त्याने शेतकऱ्यांचं हित पाहिलं पाहिजे. विरोधाला विरोध न करता शेतकऱ्याला मदत कशी मिळेल, याकडे लक्ष दिलं पाहिजे, असेही त्यांनी म्हटले आहे.

उपाययोजना राबवण्याचा निर्णय

दुष्काळ जाहीर झाल्यामुळे विद्यार्थ्यांपासून ते वीजबिल माफीपर्यंतच्या विविध उपाययोजनांचा त्यात समावेश केला जाईल. दुष्काळ म्हणजे फक्त पिकांचं नुकसान नाही, तर इतर बाबींचाही त्यात समावेश केला जातो. जेणेकरून शेतकऱ्यांना पूर्णपणे दिलासा मिळेल. हा ऐतिहासिक निर्णय सरकारने तातडीने घेतला आहे.

मराठवाड्यात 50 दिवसांचा पावसाचा खंड

मराठवाड्याला तर यामुळे दिलासा मिळणारच आहे. कारण या भागातील शेतकरी मोठ्या प्रमाणात त्रस्त आहे. आजच कोणकोणत्या तालुक्यांमध्ये दुष्काळ जाहीर करण्यात आला आहे, याची यादी जाहीर होईल. तेथील दाहकता तुम्हाला दिसेलच आणि जनतेलाही त्याची माहिती दिली जाईल. ज्ञानेश कुमार शहा हे निवडणूक आयोगाचे आयुक्त आहेत. त्यांच्या विरोधात त्यांच्या सहकाऱ्यांनीही मत नोंदवलं आहे. या संदर्भात कायदेशीरदृष्ट्या जे काही करता येईल, ते सरकार नक्कीच करत आहे. विरोधकांकडून अभियोग चालवला जाईल, असंही वक्तव्य करण्यात आलं आहे.

अभिजीत दिपके यांच्या भेटीवरून महायुतीत खळबळ? बच्चू कडू, संजय शिरसाट यांची एकनाथ शिंदेंकडून कानउघडणी