महायुतीचा फॉर्म्यूला निश्चित
पुणे : महाराष्ट्र विधान परिषदेच्या पदवीधर आणि शिक्षक मतदारसंघांच्या निवडणुकीसाठी महायुतीतील जागावाटपाचा फॉर्म्युला जवळपास निश्चित झाल्याची माहिती समोर आली आहे. सूत्रांच्या माहितीनुसार, महायुतीतील तीनही घटक पक्ष ३-१-१ फॉर्म्युल्यानुसार निवडणूक लढण्याच्या तयारीत आहेत. मात्र, पुणे शिक्षक मतदारसंघावरून भाजप आणि शिवसेनेत अद्याप सहमती झालेली नाही.
संभाव्य फॉर्म्युल्यानुसार, संभाजीनगर पदवीधर मतदारसंघ राष्ट्रवादी काँग्रेसच्या अजित पवार गटाला, अमरावती शिक्षक मतदारसंघ शिवसेनेच्या शिंदे गटाला, तर नागपूर पदवीधर आणि पुणे पदवीधर मतदारसंघ भाजपच्या वाट्याला जाण्याची शक्यता आहे. पुणे शिक्षक मतदारसंघावरून महायुतीत अद्याप रस्सीखेच सुरू आहे. पुणे शिक्षक मतदारसंघासाठी भाजप आणि शिवसेनेच्या शिंदे गटाकडून दावेदारी सुरू आहे. शिंदे गटातील उदय सामंत यांचे निकटवर्तीय सानप आणि’ आरोग्यदूत’ मंगेश चिवटे इच्छुक आहेत. जागावाटपावर अद्याप सहमती नसल्याने हा मतदारसंघ कोणाच्या वाट्याला जातो, याकडे लक्ष लागले आहे.
23 ऑक्टोबरला मतदान
विधान परिषदेच्या तीन पदवीधर आणि दोन शिक्षक मतदारसंघांच्या निवडणुकीची घोषणा झाली आहे. या पाच जागांसाठी २३ ऑक्टोबरला मतदान, तर २७ ऑक्टोबरला मतमोजणी होऊन निकाल जाहीर केला जाणार आहे.
या ५ जागांवर निवडणूक
औरंगाबाद पदवीधर : सतीश चव्हाण, राष्ट्रवादी काँग्रेस (शरद पवार गट), माजी आमदार
पुणे पदवीधर : अरुण लाड, राष्ट्रवादी काँग्रेस (शरद पवार गट), माजी आमदार
नागपूर पदवीधर : अभिजीत वंजारी, काँग्रेस, माजी आमदार
अमरावती शिक्षक : किरण सरनाईक, शिवसेना (शिंदे गट), माजी आमदार
पुणे शिक्षक : जयंत आसगावकर, काँग्रेस, माजी आमदार
निवडणूक कार्यक्रम अधिसूचना जारी : २९ सप्टेंबर
नामांकनाची अंतिम तारीख : ०६ ऑक्टोबर
नामांकनपत्रांची छाननी : ०७ ऑक्टोबर
उमेदवारी अर्ज मागे घेण्याची अंतिम तारीख : ९ ऑक्टोबर
मतमोजणी व निकाल
: २३ ऑक्टोबर
: २७ ऑक्टोबर
.png "Videos"){kind=small}
