संसदेत प्रश्न विचारण्यासाठी महुआ मोईत्रांनी लाच घेतली; भाजपचा आरोप, उद्योगपती दर्शन हिरानंदानींच नाव आलं समोर!

लाच घेण्याबाबत प्रश्न विचारणे हे विशेषाधिकाराचे उल्लंघन आहे. खासदार महुआ मोईत्रा यांनी विशेषाधिकाराचा भंग केला आहे. असा आरोप निशिकांत दुबे यांनी केला आहे

तृणमूल काँग्रेसच्या खासदार महुआ मोईत्रा (TMC MP Mahua Moitra) यांच्यावर भाजपने (BJP) मोठा आरोप (allegationकेला आहे. भारतीय जनता पक्षाने तृणमूल काँग्रेसच्या खासदार महुआ मोईत्रा यांच्यावर लाच घेतल्याचा आणि प्रश्न विचारल्याचा आरोप केला आहे. महुआ मोईत्रा यांनी संसदेत प्रश्न विचारण्यासाठी उद्योगपती दर्शन हिरानंदानी यांच्याकडून लाच घेतल्याचा आरोप भाजप खासदार निशिकांत दुबे यांनी केला आहे. तर, कुठल्याची प्रकारच्या चौकशी करायची असल्यासं आपण त्याला सामोर जाऊ असं महुआ मोइत्रा म्हणाल्या.

[read_also content=”“मी समाजवाद्यांशी बोलू शकत नाही का?” उद्धव ठाकरेंचा भाजपाला सवाल https://www.navarashtra.com/maharashtra/uddhav-thackerays-question-to-bjp-nrab-470443.html”]

काय म्हणाले निशिकांत दुबे?

भाजप खासदार निशिकांत दुबे यांनी तृणमूल काँग्रेसच्या खासदार महुआ मोइत्रा यांच्याविरोधात सभापतींना पत्र लिहिले आहे. खासदार महुआ मोईत्रा यांनी संसदेत प्रश्न विचारण्याच्या बदल्यात व्यापारी दर्शन हिरानंदानी यांच्याकडून लाच घेतल्याचा आरोप निशिकांत दुबे यांनी केला आहे. भाजप खासदार निशिकांत दुबे यांनी लोकसभा अध्यक्ष ओम बिर्ला यांना लिहिलेल्या पत्रात म्हटले आहे की, लाच घेण्याबाबत प्रश्न विचारणे हे विशेषाधिकाराचे उल्लंघन आहे. खासदार महुआ मोईत्रा यांनी विशेषाधिकाराचा भंग केला आहे.

महुआ मोईत्रा यांनी निशिकांत दुबे यांची पदवी तपासली होती

महुआ मोईत्रा यांनी खासदार निशिकांत दुबे यांची पदवी तपासली होती. निवडणूक प्रतिज्ञापत्रात दिलेल्या पदवीच्या तपशिलाबाबत महुआ मोईत्रा यांनी संबंधित विद्यापीठाकडून माहिती मागितली, ज्यामध्ये पदवीबाबतचे सत्य समोर आले. यानंतर दिल्ली पोलिसांकडे एफआयआरसाठी अर्जही करण्यात आला.