केंद्रीयमंत्री मनेका गांधींसह वरूण गांधी, व्ही. के. सिंह यांचं तिकीट भाजप कापणार?

सध्या मेनका गांधी सुलतानपूरमधून लोकसभेच्या खासदार आहेत आणि त्यांचा मुलगा वरुण गांधी पिलीभीतमधून आहेत. भाजपमध्ये त्यांच्या भवितव्याबाबत अटकळ बांधली जात आहे. 2014 मध्ये सुलतानपूरमधून विजयी झालेल्या वरुण गांधी यांनी 2019 मध्ये आपल्या आईसोबत जागा बदलल्या होत्या.

लखनौ : उत्तर प्रदेशमध्ये, ज्या भागात छोट्या पक्षांसोबत जागावाटपाचे करार अद्याप निश्चित झालेले नाहीत, त्या भागातील लोकसभा क्षेत्रात भाजपने उमेदवार जाहीर केलेले नाहीत. यात भाजपच्या प्रमुख चेहऱ्यांमध्ये केंद्रीयमंत्री व्ही. के. सिंग (गाझियाबाद), मनेका गांधी (सुलतानपूर), वरुण गांधी (पीलीभीत) आणि कैसरगंजचे वादग्रस्त खासदार ब्रिजभूषण शरण सिंग यांच्यावर टांगती तलवार आहे. मनेका आणि वरुण यांना तिकीट देणे भाजपला शक्य नसल्याचा अंदाज आहे.

सध्या मेनका गांधी सुलतानपूरमधून लोकसभेच्या खासदार आहेत आणि त्यांचा मुलगा वरुण गांधी पिलीभीतमधून आहेत. भाजपमध्ये त्यांच्या भवितव्याबाबत अटकळ बांधली जात आहे. 2014 मध्ये सुलतानपूरमधून विजयी झालेल्या वरुण गांधी यांनी 2019 मध्ये आपल्या आईसोबत जागा बदलल्या होत्या. पक्ष रेखा न पाळल्यामुळे आणि अनेक प्रसंगी उघडपणे सरकारवर टीका केल्यामुळे वरुणला पिलीभीतमधून बदलण्याचा भाजप नेतृत्व गांभीर्याने विचार करत असल्याचे संकेत आहेत.

वरुण गांधी गेल्या अडीच वर्षांपासून आपल्याच राज्य आणि केंद्र सरकारला अस्वस्थ करणारे प्रश्न उपस्थित करत आहेत. मात्र, खासदारांचा दृष्टिकोन बराच मवाळ झाला आहे.