बिहार सरकारने जाहीर केला जात जनगणना अहवाल, जाणून घ्या जातीनुसार किती आहे लोकसंख्या!

देशात जातीनिहाय जनगणना करण्याची मागणी करण्यात येत असताना बिहार राज्याने जातनिहाय सर्वेक्षणाचे निकाल (Bihar Census As Per Cast) जाहीर केले आहे. जात आधारित जनगणना अहवालानुसार, बिहारची एकूण लोकसंख्या १३ कोटींहून अधिक आहे. यामध्ये मागास लोकसंख्या 27.13% आहे तर, अती मागास लोकसंख्या 36.01% आहे. बिहारचे मुख्यमंत्री नितीश कुमार (Nitish Kumar) यांनी ट्विट करून जात आधारित जनगणना करणाऱ्या टीमचे अभिनंदन केले आहे. ते म्हणाले की, जातीवर आधारित जनगणनेने केवळ जातीच उघड केल्या नाहीत तर प्रत्येकाच्या आर्थिक स्थितीचीही माहिती दिली आहे. त्या आधारे सर्व घटकांच्या विकास व उन्नतीसाठी पुढील कार्यवाही केली जाईल.

बिहारमध्ये SC (अनुसूचित जाती) लोकसंख्या 19% पेक्षा जास्त आहे. तर, ST (अनुसूचित जमाती) लोकसंख्या 1.68% आहे. सवर्ण लोकसंख्या 15.52% आहे. बिहारमध्ये यादव 14%, भूमिहार 2.86%, राजपूत 3.45%, ब्राह्मण 3.66%, कुर्मी 2.87% आणि मुसहर 3% आहेत. बिहारमध्ये हिंदू 81.99%, मुस्लिम-17.70%, ख्रिश्चन- 0.05%, शीख 0.011%, बौद्ध 0.085% आहेत.

यानतंर RJD प्रमुख लालू यादव यांनी जाती-आधारित सर्वेक्षण जाहीर झाल्यानंतर ट्विट केले की, सरकारने आता प्रत्येक व्यक्तीला त्याच्या संख्येनुसार समान वाटा असल्याची खात्री केली पाहिजे. आता ज्याच्याकडे समान वाटा आहे त्याचाच नंबर आहे.

बिहारमध्ये जातीनिहाय सर्वेक्षणावरून बरेच राजकारण झाले होते. हे प्रकरण उच्च न्यायालय आणि सर्वोच्च न्यायालयातही गेले. सर्वोच्च न्यायालयाने बिहार सरकारच्या बाजूने निकाल दिला. त्यानंतर जातीनिहाय सर्वेक्षण करता येईल. सामाजिक न्यायासाठी हे सर्वेक्षण महत्त्वाचे असल्याचे बिहार सरकारने म्हटले आहे.