तासवडे एमआयडीसी येथे ६ कोटीचे कोकेन जप्त
नवी दिल्ली : गेल्या काही दिवसांपासून गुन्हेगारी घटनांमध्ये वाढ होत आहे. त्यात आता राजधानी दिल्लीत पोलिसांनी मोठी कारवाई केली आहे. दिल्ली पोलिसांनी 5600 कोटी रुपयांचा ड्रग्ज साठा जप्त केला आहे. आंतरराष्ट्रीय ड्रग सिंडिकेटच्या तपासात असे दिसून आले की, 5600 कोटी रुपयांच्या कोकेन शिपमेंटचा मास्टरमाईंड हा काँग्रेसशी संबंधित आहे.
हेदेखील वाचा : कर्जबाजारीपणाला कंटाळून शेतकऱ्यानं संपवलं जीवन; पावसामुळे पिकांचं नुकसान, कपाशीसह सोयाबीनही गेले
दिल्ली पोलिसांनी अमली पदार्थांची मोठा जप्त केला आहे. पोलिसांच्या स्पेशल सेलने सुमारे 5 हजार 600 कोटींचे कोकेन जप्त केले आहे. दक्षिण दिल्लीत हा छापा टाकल्यानंतर ही जप्तीची कारवाई करण्यात आली. दिल्ली पोलिसांच्या म्हणण्यानुसार, स्पेशल सेलने 565 किलोहून अधिक कोकेन जप्त केले आहे. याप्रकरणी 4 जणांना अटक करण्यात आली आहे. या ड्रग्जची किंमत अंदाजे 5600 कोटी रुपये आहे. अटक करण्यात आलेल्या आरोपींची पोलीस कसून चौकशी करत आहेत.
दिल्ली पोलिसांच्या तपासात 5000 कोटी रुपयांच्या कोकेनचा साठा समोर आला आहे. यातील मास्टरमाइंडचे काँग्रेस कनेक्शनही उघड झाले आहे. ड्रग कार्टेलचा मास्टरमाईंड आणि मुख्य आरोपी तुषार गोयल हा असल्याचे दिसत आहे. तो 2022 पर्यंत दिल्ली प्रदेश काँग्रेसमध्ये आरटीआय सेलचा अध्यक्ष होता. अनेक काँग्रेस नेत्यांसोबत आरोपीचे चित्र समोर आले आहे. आरोपीने त्याच्या सोशल मीडिया प्रोफाईलवर ‘आरटीआय सेल अध्यक्ष, दिल्ली प्रदेश काँग्रेस’, असेही लिहिले आहे.
आजवरची सर्वात मोठी जप्तीची कारवाई
दिल्ली पोलिसांनी अमली पदार्थांची आजवरची सर्वात मोठी जप्तीची कारवाई केली आहे. अधिकाऱ्यांनी सांगितले की, 560 किलोपेक्षा जास्त कोकेन आणि 40 किलो ‘हायड्रोपोनिक मारिजुआना’ जप्त करण्यात आले आहे, ज्याची अंदाजे किंमत 5,620 कोटी रुपये आहे. दिल्ली पोलिसांच्या स्पेशल सेल टीमने दक्षिण दिल्लीतील महिपालपूर येथून चार जणांना पकडले आहे.
हेदेखील वाचा : MVA: महाविकास आघाडीने मुंबईतील ३६ पैकी ‘इतक्या’ जागांचा तिढा सोडवला? लवकरच जागावाटप जाहीर करणार
.png "Videos"){kind=small}
