बैठकीत कोण होणार सहभागी?
या बैठकीत कोलंबो सुरक्षा परिषदेचे सदस्य असलेले मालदीव, मॉरिशस, श्रीलंका आणि बांगलादेश या देशांचे राष्ट्रीय सुरक्षा सल्लागार सहभागी होणार आहेत.
यापूर्वी, डिसेंबर २०२३ मध्ये मॉरिशस येथे सहावी बैठक झाली होती. त्यानंतर ऑगस्ट २०२४ मध्ये श्रीलंकेत सर्व सदस्य देशांनी कोलंबो सुरक्षा परिषदेच्या औपचारिक संस्थापक दस्तऐवजांवर स्वाक्षरी केली होती.
चर्चेचे मुख्य विषय
कोलंबो सुरक्षा परिषदेची सुरुवात हिंद महासागर क्षेत्रात सुरक्षा आणि शांतता राखण्यासाठी सर्व देशांनी एकत्र काम करावे, या उद्देशाने झाली होती. यावेळच्या बैठकीत सदस्य देश गेल्या अडीच वर्षांत केलेल्या कामाचा आढावा घेतील आणि पुढील दिशा निश्चित करतील.
चर्चेच्या अजेंड्यावर असलेले महत्त्वाचे विषय:
यासोबतच, २०२६ साठी नवीन कार्ययोजना आणि रोडमॅपला मंजुरी दिली जाईल.
भारताची भूमिका महत्त्वाची
भारत या समूहातील सर्वात मोठा आणि सक्रिय सदस्य आहे. हिंद महासागरात शांतता आणि सुरक्षा कायम राखण्यासाठी शेजारील आणि द्वीपीय देश एका मजबूत व्यासपीठावर एकत्र यावेत, यासाठी भारत सातत्याने प्रयत्न करत आहे. गुरुवारच्या बैठकीमुळे या दिशेने आणखी एक ठोस पाऊल पडण्याची अपेक्षा आहे.
