Cyclone Arnab : ‘अर्नब’ चक्रीवादळाचा हाहाकार; नद्या-नाले तुडूंब, अनेक गावांचा संपर्क तुटला

Cyclone Arnab : छत्तीसगडमध्ये बंगालच्या उपसागरात निर्माण झालेल्या अर्नब वादळामुळे मागील तीन दिवसांपासून तुफान पाऊस सुरू आहे. यामुळे येथील अनेक जिल्ह्यांमधील नदी-नाले तुडूंब भरून वाहत असून किनाऱ्यालगतच्या गावांमधील नागरिकांचे सुरक्षित ठिकाणी स्थलांतर करण्यात आले आहे.

• छत्तीसगडमधील अनेक गावांचा संपर्क तुटला
• धरणांमधील हजारो लीटर पाणी नद्यांमध्ये सोडले
• मुख्यमंत्र्यांचे अधिकाऱ्यांना परिस्थितीवर लक्ष ठेवण्याचे आदेश

 

बंगालच्या खाडी (Bangal creck) त निर्माण झालेला ‘अर्नब’ (Cyclone Arnab ) चक्रीवादळामुळे छत्तीसगड (Chattisgad) मध्ये मागील तीन दिवसांपासून तुफान पाऊस कोसळत आहे. यामुळे रायपुर, बिलासपुर, बस्तर, दुर्ग आणि सरगुजामधील जनजीवन विस्कळीत झाले आहे. नद्या-नाले तुडूंब भरले असून गावागावांचा संपर्क तुटला आहे.

येथील अधिकाऱ्यांनी अनेक जिल्ह्यांना ऑरेंज आणि यलो अलर्ट दिला असून संकटकाळी आपत्तीव्यवस्थापनाशी संपर्क साधण्याचे आवाहन त्यांनी केले आहे. मुख्यमंत्री विष्णुदेव साय (Vishnudev say) यांनी जिल्हाधिकारी आणि संबंधित विभागांना परिस्थितीवर लक्ष ठेवण्याचे आदेश दिलेत.

अनेकांची घरे पाण्याखाली

महासमुंद जिल्ह्यात मागील दोन दिवसांपासून मुसळधार पाऊस सुरू असल्याने अनेक नागरिकांना सुरक्षित स्थळी हलवण्यात आले आहे. तसेच सततच्या पावसामुळे येथील नद्यांनी रुद्ररुप धारण केले आहे. तसेच गंगरेल धरणातील पाणी या नद्यात सोडण्यात येत असल्यामुळे नदीकाठच्या गावांना धोका निर्माण झाला असून अनेकांची घरे पाण्याखाली गेली आहेत.

बम्हानी गावातील एका दारुचे दुकान पाण्यात बुडाल्यामुळे तेथे दोन कामगार फसले होते. त्यांनी एक व्हिडीओ प्रसिद्ध करत आपण सुरक्षित असल्याचे सांगितले. त्यानंतर काही वेळातच बचाव पथकाने त्यांना सुरक्षित तेथून बाहेर आणले.

उत्तर प्रदेश चक्रीवादळाच्या विळख्यात; 42 जिल्ह्यांसाठी मुसळधार पावसाचाही इशारा, मेघगर्जनेसह…

किनाऱ्यावरील 18 गावांना अलर्ट जारी

स्थानिक प्रशासनाने नदी किनाऱ्यावरील 18 गावांसाठी अलर्ट जारी केला आहे. अर्नब चक्रीवादळाचा सर्वात जास्त फटका बस्तर, मंडल व जवळपासच्या जिल्ह्यांना पडला. नद्यांचे पाणी रस्त्यावर आल्याने वाहतुकीला त्याचा मोठा फटका बसला आहे.

धमतारी स्थित गंगरेल धरण 98 टक्के भरल्यामुळे त्याचे 14 दरवाजे उघडण्यात आले. धरणातील 50 हजार क्युसेक पाणी हे महानदीत सोडण्यात आले. दुसरीकडे, मुरुमसिल्ली बांध पूर्णक्षमतेने (100 टक्के) भरला आहे, तर बलोद येथील दुधवा आणि सोंधुर धरणाची पातळी 90 टक्क्यांच्या वर गेली आहे.

सर्वसामान्यांना दिलासा ! ऐन सणासुदीच्या काळात खाद्यतेल होणार स्वस्त; आयातशुल्क कपातीच्या निर्णयाचा परिणाम