दिल्ली : दिल्लीचे मुख्यमंत्री अरविंद केजरीवाल यांना ईडीने अटक केली आहे. ईडीच्या तुरुंगामध्ये असलेल्या केजरीवालांनी आपल्या पत्नीकडे काही संदेश पाठवला आहे. अरविंद केजरीवाल त्यांच्या पत्नी सुनीता केजरीवाल यांनी आज सोशल मीडियावर एक व्हिडिओ शेअर करत वाचून दाखवला. तुमचा भाऊ, तुमचा मुलगा लोखंडासारखा मजबूत आहे, असं सांगताना आपण लवकरच तुरुंगातून बाहेर येऊ आणि समाजसेवेचे व्रत सुरुच ठेऊ असा संदेश केजरीवालांनी दिला आहे.
#WATCH | Delhi CM Arvind Kejriwal’s wife Sunita Kejriwal issues a video statement and reads out the CM’s message from jail. She says, “…There are several forces within and outside India that are weakening the country. We have to be alert, identify these forces and defeat… pic.twitter.com/jqlHpguugP — ANI (@ANI) March 23, 2024
अरविंद केजरीवाल यांनी संदेशमध्ये लिहिले आहे की, “माझ्या प्रिय देशवासियांनो मला काल अटक करण्यात आली. मी तुरुंगात असेन किंवा बाहेर, प्रत्येक क्षणी देशाची सेवा करत राहिल. माझ्या जीवनाचा प्रत्येक क्षण देशासाठी समर्पित आहे. माझं जीवन हे कायमचं संघर्षमय राहिलं आहे, त्यामुळं मला ही अटक मला विशेष वाटत नाही.
आपल्याला भारताला देशातील सर्वात शक्तीशाली राष्ट्र बनवायचं आहे. भारतात आणि भारताबाहेर अनेक शक्ती आहेत ज्या देशाला कमजोर करत आहेत. आपल्याला या शक्तींना हारवायचं आहे. मी लवकच बाहेर येईल आणि आपला वायदा पूर्ण करेन. मी जरी तुरुंगात गेलेलो असलो तरी माझी आम आदमी पार्टीच्या सर्व कार्यकर्त्यांना आवाहन आहे की आपलं समाज कल्याणाचं काम थांबता कामा नये. त्यासाठी भाजपच्या लोकांचा द्वेष करु नका, ते आपले भाऊ-बहिण आहेत. मी लवकरच परत येईन” असा विश्वास अरविंद केजरीवाल यांनी व्यक्त केला.
.png "Videos"){kind=small}
