दिल्ली दंगल 2020 प्रकरणात हायकोर्टाचा मोठा निर्णय; SIT चौकशीसह सर्व याचिका फेटाळल्या
याचिकांमध्ये दिल्ली पोलिसांच्या तपासाच्या भूमिकेवर प्रश्न उपस्थित करण्यात आले होते. तसेच कपिल मिश्रा आणि प्रवेश वर्मा यांच्याविरोधात गुन्हा दाखल करण्याची मागणी करण्यात आली होती. मात्र, न्यायालयाने संबंधित मागण्यांसह याचिका फेटाळल्या.
Delhi Riots 2020: दिल्ली दंगल प्रकरणात उमर खालिद आणि शरजील इमाम …
फेब्रुवारी 2020 मध्ये नागरिकत्व सुधारणा कायद्याच्या (CAA) पार्श्वभूमीवर ईशान्य दिल्लीत तणाव निर्माण झाला होता. 23 फेब्रुवारीच्या आसपास जाफराबाद, मौजपूरसह अनेक भागांत हिंसाचार उसळला. दगडफेक, जाळपोळ आणि हिंसक संघर्षाच्या घटना अनेक दिवस सुरू राहिल्या. या हिंसाचारात आयबी कर्मचारी अंकित शर्मा यांच्यासह 53 जणांचा मृत्यू झाला, तर 200 हून अधिक जण जखमी झाले. घरे, दुकाने, वाहने आणि धार्मिक स्थळांचेही मोठे नुकसान झाले.
15 डिसेंबर 2019 रोजी CAA विरोधातील आंदोलनादरम्यान जामिया परिसरात परिस्थिती हिंसक बनली होती. दगडफेक आणि वाहनांच्या जाळपोळीच्या घटना घडल्यानंतर पोलिसांनी लाठीचार्ज आणि अश्रुधुराचा वापर केला. त्यानंतर पोलिसांनी जामिया मिलिया इस्लामिया विद्यापीठाच्या परिसरात प्रवेश केल्याने मोठा वाद निर्माण झाला होता. विद्यार्थ्यांवर कारवाई झाल्याचे आरोपही करण्यात आले होते. आता या दोन्ही घटनांसंदर्भात SIT चौकशी, नेत्यांविरोधात FIR आणि संबंधित अधिकाऱ्यांवरील कारवाईसाठी करण्यात आलेल्या याचिका दिल्ली उच्च न्यायालयाने फेटाळल्याने या प्रकरणात महत्त्वाचा न्यायालयीन निर्णय समोर आला आहे.
सीपीआय(एम) नेत्या वृंदा करात यांच्या याचिकेत पोलीस, आरएएफ आणि इतर सरकारी अधिकाऱ्यांच्या कथित गैरवर्तन आणि निष्काळजीपणाची स्वतंत्र चौकशी करण्याची मागणी करण्यात आली आहे. दुसऱ्या एका याचिकेत सीएए-विरोधी आंदोलनांना दिलेल्या कथित निधीपुरवठा आणि समर्थनाची एनआयए चौकशी करण्याची मागणी करण्यात आली आहे. २४ फेब्रुवारी २०२० रोजी, सीएए आणि एनआरसी विरोधातील आंदोलनादरम्यान ईशान्य दिल्लीत जातीय हिंसाचार उसळला. यात किमान ५३ जण ठार झाले आणि जवळपास ७०० जण जखमी झाले. या हिंसाचारादरम्यान जाळपोळ आणि तोडफोडीच्या अनेक घटना घडल्या.
Delhi Bomb Blast : दिल्ली बॉम्बस्फोट घडवणारा दहशतवादी उमरचा पहिला …
.png "Videos"){kind=small}
