मोठी बातमी! रॉबर्ट वाड्रांविरोधात आरोपपत्र दाखल, ईडीकडून १८ तास चौकशी

हरियाणातील शिकोहपूर येथील जमीन व्यवहाराशी संबंधित मनी लाँड्रिंग प्रकरणात अंमलबजावणी संचालनालयाने प्रियंका गांधी यांचे पती रॉबर्ट वड्रा यांच्याविरोधत आरोपपत्र दाखल केलं आहे. तब्बल १८ तास चौकशी करण्यात आली आहे.

काँग्रेस खासदार प्रियंका गांधी वड्रा यांचे पती आणि उद्योगपती रॉबर्ट वड्रा यांच्या अडचणीत वाढ होण्याची शक्यता आहे. हरियाणातील शिकोहपूर येथील जमीन व्यवहाराशी संबंधित मनी लाँड्रिंग प्रकरणात अंमलबजावणी संचालनालयाने (ईडी) वड्रा यांच्याविरोधत आरोपपत्र दाखल केलं आहे. त्यांच्यासोबतच इतर अनेक लोक आणि कंपन्यांची नावेही त्यात समाविष्ट आहेत. हे प्रकरण सप्टेंबर २०१८ चे आहे, जेव्हा रॉबर्ट वड्रा, हरियाणाचे तत्कालीन मुख्यमंत्री भूपेंद्र सिंह हुडा, रिअल इस्टेट कंपनी डीएलएफ आणि एका प्रॉपर्टी डीलरविरुद्ध एफआयआर दाखल करण्यात आला होता. एफआयआरमध्ये भ्रष्टाचार, बनावटगिरी आणि फसवणूकीचे आरोप करण्यात आले आहेत.

Changur Baba ED : जबरदस्तीने धर्मांतर करणाऱ्या छांगूर बाबावर EDची कारवाई; 14 ठिकाणांवर छापेमारी

वड्रा यांची कंपनी स्कायलाईट हॉस्पिटॅलिटीने २००८ मध्ये ३.५३ एकर जमिनीचा ७.५ कोटी रुपयांमध्ये व्यवहार केला होता. मात्र प्रकल्प पूर्ण न करता तेवढीच जमीन ५८ कोटी रुपयांना विक्री करण्यात आली. असा आरोप करण्यात आला असून रॉबर्ट वड्रा यांना आरोपी बनवण्यात आलं आहे. या प्रकरणात ईडीने वड्रा यांची १८ तासांहून अधिक काळ चौकशी केली. यासोबतच हरियाणातील इतर अनेक काँग्रेस नेत्यांचीही चौकशी करण्यात आली. हरियाणाच्या तत्कालीन भूपेंद्र सिंह हुडा सरकारने रॉबर्ट वड्रा यांच्या कंपनीला परवाना दिला होता, असा आरोप करण्यात आला आहे.

हुडा सरकारने निवासी प्रकल्पाचा परवाना डीएलएफला हस्तांतरित केला. या संपूर्ण व्यवहारात अनेक अनियमितता झाल्याचा आरोप आहे. २०१८ मध्ये हरियाणा पोलिसांनी या व्यवहारासंदर्भात गुन्हा दाखल केला. नंतर ईडीनेही या प्रकरणात गुन्हा दाखल केला आणि तपास सुरू केला.

आयएएस अशोक खेमका यांनी रॉबर्ट वाड्रा यांच्याशी संबंधित या प्रकरणात अनियमितता उघड केली होती. डिसेंबर २०२३ मध्ये ईडीने या प्रकरणात यूएईस्थित व्यापारी सीसी थंपी आणि युके शस्त्रास्त्र व्यापारी संजय भंडारी यांचे नातेवाईक सुमित चड्ढा यांच्याविरुद्ध आरोपपत्र दाखल केले. आरोपपत्रात वाड्रा आणि त्यांची पत्नी प्रियंका गांधी यांचे नाव आरोपी म्हणून नाही, परंतु त्यांच्या जमीन खरेदी-विक्रीचा तपशील समाविष्ट आहे.

BJP Politics : कोण होणार भाजपचा अध्यक्ष? धर्मेंद्र प्रधान आणि भूपेंद्र यादव यांच्या नावांवर RSS मध्ये एकमत नाही

वाड्रा यांच्याशी संबंध असलेल्या थंपी यांनी २००५ ते २००८ दरम्यान दिल्ली-एनसीआरस्थित रिअल इस्टेट एजंट एचएल पहवा यांच्यामार्फत हरियाणाच्या फरीदाबादमधील अमीरपूर गावात सुमारे ४८६ एकर जमीन खरेदी केली होती. आरोपपत्रानुसार, रॉबर्ट वड्रा यांनी २००५-२००६ मध्ये एचएल पहवा यांच्याकडून अमीरपूरमध्ये ३३४ कनाल (४०.०८ एकर) जमीन खरेदी केली आणि डिसेंबर २०१० मध्ये तीच जमीन एचएल पहवा यांना विकली. ईडीच्या म्हणण्यानुसार, रॉबर्ट वड्रा यांच्या पत्नी प्रियांका गांधी वड्रा यांनी एप्रिल २००६ मध्ये हरियाणातील फरीदाबाद जिल्ह्यातील अमीरपूर गावात ४० कनाल (०५ एकर) शेती जमीन एचएल पहवा यांच्याकडून खरेदी केली आणि फेब्रुवारी २०१० मध्ये तीच जमीन एचएल पहवा यांना विकली, अशा ईडीचा आरोप आहे.