शनिवार, 3 ऑक्टोबर 2026
फोटो सौजन्य AI
आणि तसेही भारतात मिळणाऱ्या जागतिक कंपन्यांच्या वस्तूंची क्वालिटी ही इतर जगात भेटणाऱ्या सेम वस्तूंच्या तुलनेत निकृष्ट आहे . असे सांगितले जाते . म्हणजे भारत हा जगासाठी डम्पिंग ग्राउंड बनत चालल्याचे सुद्धा काही जाणकार सांगत असतात . अशातच आणखी एक महत्वाची बातमी समोर आली आहे . नेस्ले इंडियाच्या लो फॅट डेअरी व्हाईटनर या उत्पादनाच्या दिल्लीतील एका हॉटेलमधून घेतलेला नमुना अन्न सुरक्षा तपासणीत असुरक्षित आणि निकृष्ट आढल्याची माहिती भारतीय अन्न सुरक्षा आणि मानक प्राधिकरण ( FSSAI ) ने दिली आहे .
हा नमुना नवी दिल्लीतील कॅनॉट प्लेस येथील द ललित हॉटेलमधून घेण्यात आला होता . प्रयोगशाळेच्या अहवालानंतर संबंधित उत्पादनाची विक्री तातडीने थांबवण्याचे आदेश देण्यात आले आहेत . या कारवाईमुळे नेस्ले इंडियाच्या खाद्य उत्पादनाच्या गुणवत्तेबाबत पुन्हा चर्चा सुरु झाल्या आहेत .
FSSAI च्या माहितीनुसार भारत हॉटेल्स लिमिटेडच्या द ललित हॉटेलमधून नेस्लेच्या लो फॅट डेअरी व्हाईटनरचा नमुना घेण्यात आला होता . तपासणीत हा नमुना संबंधित अन्न सुरक्षा नियमांशी सुसंगत नसल्याचे आढळले . त्यानंतर अन्न विश्लेषकांच्या अहवालात उत्पादनाला Unsafe आणि Substanderd अशी नोंद करण्यात आली आहे . संबंधित हॉटेल व्यवस्थापनाला प्रयोगशाळेच्या अहवालाची प्रत देण्यात आली असून पुढील आवश्यक करण्यास सांगण्यात आले आहे .
प्रयोगशाळेच्या निष्कर्षानंतर FSSAI ने संबंधित उत्पादनाची विक्री तातडीने बंद करण्याचे निर्देश दिले आहेत . भारत हॉटेल्स लिमिटेडला यासंदर्भात नोटीसही बजावण्यात आली आहे . मात्र संबंधित व्यवसायाला अन्न सुरक्षा कायद्यानुसार प्रयोगशाळेच्या अहवालाविरोधात निर्धारित कालावधीत अपील करण्याची संधी देण्यात आली आहे .
त्यामुळे सध्या ही कारवाई तपासणीतील विशिष्ठ नमुन्यावर केंद्रित आहे . FSSAI ने सार्वजनिक केलेल्या माहितीत उत्पादनातील नेमका कोणता घटक किंवा कोणत्या निकषांमुळे नमुना असुरक्षित ठरला , याचा सविस्तर तपशील अद्याप जाहीर केलेला नाही .
या कारवाई नंतर नेस्ले इंडियाने आपले उत्पादन सुरक्षित असल्याचे स्पष्ट केले आहे . कंपनीच्या म्हणण्यानुसार लो फॅट डेअरी व्हाईट्नर लागू असलेल्या सर्व नियामक नियमांचे पालन करते . उत्पादनातील फॉस्फरस हा दुधात नैसर्गिकरित्या आढळणारा पोषक घटक असल्याचे कंपनीने म्हंटले आहे .
प्रयोगशाळेच्या अहवालात दुधातील नैसर्गिक फ़ॉस्फरसचा विचार न करता एकूण फ़ॉस्फरसची तुलना अतिरिक्त फॉस्फरससाठी असलेल्या मर्यादेशी करण्यात आल्याचा दावा कंपनीने केला आहे . नेस्लेने संबंधित अधिकाऱ्यांशी चर्चा सुरु असून आवश्यक माहितीही सादर केल्याचे म्हंटले आहे . त्यामुळे नियमकाचा निष्कर्ष आणि कंपनीची भूमिका यामध्ये सध्या मतभेद दिसून येत आहेत .
