नवी दिल्ली : रेल्वेतून प्रवास करणाऱ्यांची संख्या जास्त असते. कारण रेल्वे ही परवडणारी आणि आरामदायी प्रवासासाठी ओळखली जाते. रेल्वेचा सर्वात सुरक्षित प्रवास मानला जातो. त्यामुळेच रेल्वेने दररोज लाखो प्रवासी प्रवास करत असतात. मात्र, जम्मू-काश्मीरमध्ये एक मोठी दुर्घटना होता होता टळली. या ठिकाणी एक मालगाडी विनाचालक तब्बल 84 किलोमीटर सुसाट धावली. पण रेल्वे प्रशासनाने वेळीच खबरदारी घेतल्याने सुदैवाने कोणतीही मोठी दुर्घटना झाली नाही.
A goods train laden with a crusher, coming from Pathankot to Jalandhar, started running without a driver at a speed of 70-80 km/h. The driver stepped out to check the lane & forgot to apply the handbrake, causing the train to move and gain speed on its own. Railway staff at… pic.twitter.com/0u4S0PZ0m7 — Gagandeep Singh (@Gagan4344) February 25, 2024
मालगाडीचा लोकोपायलट आणि सह लोकोपायलट कठुआ स्टेशनवर चहा घेण्यासाठी थांबले होते. इंजिन सुरु ठेऊन दोघे खाली उतरले. मात्र, त्यांनी खाली उतरण्यापूर्वी हँडब्रेक खेचला नाही. ड्रायव्हर आणि त्याचा सहकारी चहा पिण्यासाठी पुढे जाऊ लागले. तर दुसरीकडे मालगाडीने वेग धरण्यास सुरुवात केली. 53 डब्यांच्या मालगाडी धावू लागली. हळूहळू धावणारी ही मालगाडी अचानक शंभर किलीमोटरपर्यंत गेली. अधिकाऱ्यांनी पंजाबमधील सुजानपूर, पठाणकोट कँट, कांदोरी, मिरथल, बांगला येथे गाडी थांबवण्याचा प्रयत्न केला. परंतु यश आले नाही.
अखेर पंजाबमधील मुकेरियनमधील उची बस्सीजवळ वाळूच्या गोण्यांच्या मदतीने एका चढावाच्या ठिकाणी मालगाडीला थांबवण्यात यश मिळाले. त्यानंतर सर्वांनी सुटकेचा निःश्वास सोडला. मालगाडीने ड्रायव्हर नसताना एकूण 84 किलोमीटर अंतर कापले होते. या घटनेचा व्हिडिओ व्हायरल झाला आहे.
.png "Videos"){kind=small}
