देशातील अनेक राज्यांत मुसळधार पावसाचा कहर; आसाममधील पुरात आत्तापर्यंत 99 जणांचा मृत्यू

आसाममधील पुरामुळे 1.55 लाखांहून अधिक लोक प्रभावित झाले आहेत, जिथे मृतांची संख्या 99 वर पोहोचली आहे. 13 जिल्हे अजूनही प्रभावित आहेत.

नवी दिल्ली : गेल्या काही दिवसांपासून देशातील अनेक राज्यांत मुसळधार पाऊस होताना दिसत आहे. मात्र, शनिवारी देशाच्या अनेक भागात पावसाचा जोर काहीसा कमी झाल्याचे पाहिला मिळाले. आसाममध्ये मुसळधार पावसानंतर पूर आला आहे. या पुरामुळे आत्तापर्यंत 99 जणांचा मृत्यू झाला आहे. हिमाचल प्रदेशातील 153 रस्ते बंद झाल्यामुळे वाहतूक ठप्प झाली आहे. तर केरळमध्ये घरे आणि रस्त्यांचे नुकसान झाल्यामुळे शेकडो लोक मदत छावण्यांमध्ये राहत आहेत.

आसाममधील पुरामुळे 1.55 लाखांहून अधिक लोक प्रभावित झाले आहेत, जिथे मृतांची संख्या 99 वर पोहोचली आहे. 13 जिल्हे अजूनही प्रभावित आहेत आणि सरकार रविवारपासून चार सर्वात जास्त प्रभावित पूर्वेकडील जिल्ह्यांमध्ये कायमस्वरूपी पुनर्वसनासाठी नुकसानीचे मूल्यांकन सुरू केले जाणार आहे. राष्ट्रीय राजधानी दिल्लीत शनिवारी ऑगस्टचा सर्वात ओला दिवस नोंदवला गेला, जो गेल्या दोन वर्षांतील सर्वाधिक होता. महिन्याच्या पहिल्या आठ दिवसांतच एकूण पाऊस मासिक सरासरीच्या जवळपास पोहोचला.

महाबळेश्वरमध्ये पावसाचा धुमाकूळ; वेण्णा तलाव ओव्हरफ्लो, आंबेनळी घाटात दरडी तर पर्यटकांची तुफान गर्दी

शनिवारी सकाळी 8.30 पर्यंत, 98.7 मिमी पावसाची नोंद झाली, जी ऑगस्ट 2024 नंतरची सर्वाधिक होती. सततच्या पावसामुळे दिल्लीच्या अनेक भागांमध्ये वाहतूक विस्कळीत झाली, कालिंदी कुंज सीमा, ITO आणि मेहरौली-बदरपूर रस्त्यावर प्रचंड वाहतूक कोंडी झाली.

हवामान खात्याचा अंदाज काय?

शुक्रवारच्या मुसळधार पावसामुळे अनेक ठिकाणी पाणी साचले असून, अनेक भिंती आणि घरे कोसळली आहेत. देवळी येथे खासगी पार्किंगची भिंत कोसळून आठ वाहनांचे नुकसान झाले, तर प्रियंका कॅम्प येथे पाण्यात वाहून गेल्याने १८ वर्षीय तरुण बेपत्ता झाला. हिमाचल प्रदेशात मुसळधार पावसाने १५३ रस्ते बंद केले असून, शिमला हवामान खात्याने सोमवार-मंगळवारसाठी ‘ऑरेंज अलर्ट’ जारी केला आहे.

अनेक रस्ते आणि घरे पाण्यात बुडाली

केरळमध्ये शनिवारी पाऊस सुरूच होता, जरी अनेक भागात पुराचे पाणी हळूहळू कमी होत आहे. अनेक रस्ते आणि घरे पाण्यात बुडाल्याने शेकडो लोक अजूनही मदत छावण्यांमध्ये आहेत. अलाप्पुझा आणि कोट्टायम जिल्ह्यांमध्ये पुरामुळे अद्याप फटका बसत आहे. वाहतूक विस्कळीत झाली आणि बोटींमधील लोकांना बाहेर काढले जात आहे. पावसाच्या पार्श्वभूमीवर, आठ जिल्ह्यांतील सर्व शैक्षणिक संस्थांमध्ये शनिवारी सुट्टी जाहीर करण्यात आली होती आणि अधिका-यांना असुरक्षित रहिवाशांना मदत छावण्यांमध्ये हलवण्यास सांगण्यात आले आहे.