उत्तर प्रदेश चक्रीवादळाच्या विळख्यात; 42 जिल्ह्यांसाठी मुसळधार पावसाचाही इशारा, मेघगर्जनेसह…

बांदा, चित्रकूट, कौशांबी, फतेहपूर, प्रतापगड, गोंडा, बलरामपूर, श्रावस्ती, बाराबंकी, रायबरेली, अमेठी, सुलतानपूर, अयोध्या आणि आसपासचा परिसराला ऑरेंज अलर्ट जारी करण्यात आला आहे.

नवी दिल्ली : देशभरातील अनेक राज्यांत वातावरणात बदल जाणवत आहे. महाराष्ट्रात उन्हाच्या तीव्र कडाक्याने नागरिक हैराण झाले आहेत. राज्यातील नागरिकांना पावसाची अद्याप प्रतिक्षाच आहे. असे असताना आता उत्तर प्रदेशातील हवामान बदलले आहे. गुरुवारी, पूर्वांचल आणि तराई प्रदेशातील अनेक जिल्ह्यांमध्ये मुसळधार पाऊस झाला. सोसाट्याच्या वाऱ्यासह झालेल्या पावसामुळे तापमान खाली आले.

उत्तर प्रदेशात आता शुक्रवारी पावसाचा जोर आणखी वाढण्याची शक्यता आहे. हवामान विभागाने १३ जिल्ह्यांसाठी अतिवृष्टीचा ऑरेंज अलर्ट जारी केला आहे. २९ जिल्ह्यांसाठी मुसळधार पावसाचा यलो अलर्ट जारी करण्यात आला आहे. ५२ जिल्ह्यांमध्ये ताशी ४० ते ६० किमी वेगाने सोसाट्याचा वारा वाहण्याची शक्यता आहे. गुरुवार संध्याकाळपर्यंत, प्रयागराजमध्ये २६ मिमी, सुलतानपूरमध्ये २०.८ मिमी, अमेठीमध्ये १९.८ मिमी आणि गोरखपूरमध्ये १४.२ मिमी पावसाची नोंद झाली. बाराबंकी, अयोध्या, गाझीपूर, बलिया, सोनभद्र आणि महाराजगंज येथेही पाऊस झाला.

Rain Update : सिंधुदुर्ग, कोल्हापूर, लातूरसह राज्यातील ‘या’ जिल्ह्यांना पावसाचा अलर्ट जारी; अनेक भागांत वादळी वाऱ्यासह पाऊस होणार?

ज्येष्ठ हवामान शास्त्रज्ञाने सांगितले की, २५-२६ सप्टेंबर रोजी अनेक भागांमध्ये अतिवृष्टी होण्याची शक्यता आहे. त्याचा परिणाम २७ सप्टेंबरपर्यंत टिकेल. पुढील चार दिवसांत तापमानात चार अंशांपर्यंत घट होऊ शकते. बांदा, चित्रकूट, कौशांबी, फतेहपूर, प्रतापगड, गोंडा, बलरामपूर, श्रावस्ती, बाराबंकी, रायबरेली, अमेठी, सुलतानपूर, अयोध्या आणि आसपासचा परिसराला ऑरेंज अलर्ट जारी करण्यात आला आहे.

महाराष्ट्रातील अनेक जिल्ह्यांना पावसाचा इशारा

राज्यात काही ठिकाणी जोरदार पावसाचा इशारा देण्यात आला आहे. तर काही ठिकाणी पावसाच्या हलक्या ते मध्यम सरी हजेरी लावण्याचा अंदाज हवामानशास्त्र विभागाने व्यक्त केला आहे. मुंबई, ठाणे, रत्नागिरी, सिंधुदुर्ग, कोल्हापूर घाटमाथा, कोल्हापूर, सांगली, पुणे, पुणे घाटमाथा, नाशिक, नाशिक घाटमाथा, नाशिक, अहिल्यानगर, छत्रपती संभाजीनगर, जालना, बीड, धाराशिव, परभणी, हिंगोली, यवतमाळ, वर्धा, नागपूर, चंद्रपूर, भंडारा आणि गोंदिया जिल्ह्यांत विजांसह पावसाचा अंदाज व्यक्त करण्यात आला आहे. तर सातारा, सातारा घाटमाथा, रायगड, सोलापूर, लातूर, नांदेड आणि गडचिरोली जिल्ह्यांत जोरदार पावसाचा येलो अलर्ट देण्यात आला आहे.

पुन्हा पाऊस…! मुंबई, पुणे, रत्नागिरीसह राज्यातील अनेक जिल्ह्यांत विजांसह पावसाची शक्यता