IMD Weather : मान्सून पुन्हा सक्रिय? पावसाचा हायअलर्ट, गरज असेल तरच बाहेर पडण्याच्या सूचना
भारतीय हवामान विभागाकडून (IMD Weather) 25 सप्टेंबर रोजी देशातील 17 राज्यांना मुसळधार पावसाचा हाय अलर्ट देण्यात आला आहे. शेतकऱ्यांसह मच्छिमारांसाठी मार्गदर्शक सूचना जाहीर करण्यात आल्या आहेत. या काळात तब्बल 85 किमी प्रति तास वेगाने वारे वाहणार असल्याचे देखील आयएमडीने स्पष्ट केले आहे.
महाराष्ट्रात ऑगस्टचा संपूर्ण महिना आणि सप्टेंबर महिन्याच्या पहिले दोन आठवड्यात पावसाने दडी मारली. त्यामुळे राज्यावर दुष्काळाचे संकट घोंघावत आहे. पण एक दिलासा देणारी बातमी समोर आली आहे, ती म्हणजे, मान्सुन पुन्हा एकदा सक्रिय झाला आहे. मागील दोन ते तीन दिवसांपासून राज्यासह देशातील अनेक भागात पावसाने जोरदार हजेरी लावल्याचे चित्र आहे.
आयएमडीने दिलेल्या माहितीनुसार, या वादळाचा मोठा फटका ओडिशा, पश्चिम बंगाल आणि आंध्रप्रदेश या तीन राज्यांना बसणार असून येथील लोकांना सुरक्षित स्थळी हलवण्याचे काम युद्धपातळीवर सुरू आहे. तसेच डोंगराळ भागात काही ठिकाणी भुस्खलनाच्या घटना घडण्याची शक्यता हवामान विभागाने वर्तवली आहे.
पूर्व भारतामध्ये पावसाचं रौद्र रूप पहायला मिळत आहे, त्यामुळे येथील लोकांना गरज असेल तरच बाहेर पडा असा इशारा हवामान विभागाने दिला आहे.
राम मंदिरातील दानचोरी प्रकरणातील ‘ते’ रहस्य अखेर उलगडले; SBI कर्मचाऱ्याने…
आयएमडीच्या माहितीनुसार, 25 सप्टेंबर रोजी 17 राज्यांमध्ये मुसळधार पाऊस होणार आहे. ज्यामध्ये उत्तर प्रदेश, बिहार, दिल्ली, राजस्थान, हरियाणा, उत्तराखंड, पंजाब, हिमाचल प्रदेश, जम्मू -काश्मीर, ओडिशा, आंध्र प्रदेश, तेलंगाणा, पश्चिम बंगाल, झारखंड, छत्तीगड, मध्य प्रदेश आणि राजस्थान या 17 राज्यांचा समावेश आहे.
महाराष्ट्रात देखील 25 सप्टेंबरला काही ठिकाणी चांगला पावसाचे वातावरण निर्माण झाले आहे. राज्यातील काही जिल्ह्यांना यलो अलर्ट देण्यात आला आहे. आयएमडीच्या मते, पुढील 24 तासांत मराठवाडा आणि विदर्भात पावसाचा जोर वाढू शकतो.
या पार्श्वभूमीवर यवतमाळ, वाशिम, बुलढाणा, भंडारा, गोंदिया, नागपूर, अकोला, चंद्रपूर या जिल्ह्यांना पावसाचा यलो अलर्ट देण्यात आला आहे.
अंगणात सहज दिसणारे पक्षी आता नव्या पिढीला दिसेनासे झालेत! भारतातील ६०% पक्ष्यांची घट
.png "Videos"){kind=small}
