रविवार, 15 नोव्हेंबर 2026
'ब्रह्मोस' क्षेपणास्त्राचे यशस्वी प्रक्षेपण
ब्रह्मोस सुपरसॉनिक क्रूझ क्षेपणास्त्राचे यशस्वीरित्या प्रक्षेपण
अत्याधुनिक मार्गदर्शन आणि नियंत्रण प्रणालीने सज्ज
अंदमान-निकोबार कमांडच्या सहकार्याने मोहीम पूर्ण
पुणे: भारतीय लष्कराने बंगालच्या उपसागरातील परीक्षण क्षेत्रातून लांब पल्ल्याच्या ब्रह्मोस सुपरसॉनिक क्रूझ क्षेपणास्त्राचे प्रक्षेपण यशस्वीरित्या पार पाडले. दक्षिणी लष्कर (भारतीय लष्कर)कमांडच्या ब्रह्मोस युनिटने त्रिसेवा अंदमान-निकोबार कमांडच्या सहकार्याने ही अत्यंत समन्वयित मोहीम पूर्ण केली.
दक्षिण कमांडचे जनरल ऑफिसर कमांडिंग-इन-चीफ लेफ्टनंट जनरल धीरज सेठ यांनी यशस्वी प्रक्षेपणाबद्दल समाधान व्यक्त करत लष्कराच्या तांत्रिक क्षमतेचे कौतुक केले. ही यशस्वी मोहीम भारतीय लष्कराच्या लाँग-रेंज स्ट्राईक क्षमतेत मोठी भर घालणारी ठरली असून, भारताच्या स्वदेशी तंत्रज्ञानाची अचूकता आणि विश्वासार्हता पुन्हा एकदा सिद्ध करणारी आहे. आत्मनिर्भर भारत उपक्रमांतर्गत विकसित करण्यात आलेल्या स्वदेशी क्षेपणास्त्र प्रणालींच्या प्रगतीचे हे महत्त्वपूर्ण पाऊल मानले जात आहे.
Anil Jaggi new commandant of NDA: व्हाइस अ‍ॅडमिरल अनिल जग्गी ‘एनडीए’ चे नवे कमांडंट
भारतीय सैन्याचा वाळवंटातील ‘वायू समन्वय-II’ सराव यशस्वी
भारतीय सैन्याने दक्षिण कमांडच्या नेतृत्वाखाली २८ ते २९ ऑक्टोबर २०२५ दरम्यान वाळवंटातील ड्रोन आणि काउंटर-ड्रोन सराव ‘वायू समन्वय-II’ यशस्वीरित्या पार पाडला. भविष्यातील युद्ध परिस्थितीसाठी सैन्याच्या तयारीची चाचणी घेणे आणि हवाई आणि भू-संपत्तीचा एकात्मिक वापर सुनिश्चित करणे हा दोन दिवसांचा सरावाचा उद्देश होता.
‘वायू समन्वय-II’ हा सराव सैनिकांना आधुनिक बहु-डोमेन कमांड आणि नियंत्रण प्रणालींसह प्रत्यक्षात काम करण्याचा व्यावहारिक अनुभव देण्यासाठी रचना करण्यात आला होता. या अभ्यासात आव्हानात्मक इलेक्ट्रॉनिक युद्ध आणि वास्तविक-जगातील लढाऊ परिस्थितींचे वास्तवदर्शी सराव करण्यात आला. सरावादरम्यान भारतीय सैन्याने ड्रोन आणि ड्रोनविरोधी (C-UAS) ऑपरेशन्सशी संबंधित तत्त्वे व रणनीती विकसित करून त्यांची चाचणी केली — ज्यामुळे उदयोन्मुख हवाई धोक्यांचा मुकाबला करण्याची क्षमता अधिक बळकट झाली आहे.
वाळवंटातील उष्ण हवामान आणि भूप्रदेशामुळे हा सराव आणखी आव्हानात्मक होता. या युद्ध सरावात, आर्म्ड, इन्फंट्री, तोफखाना आणि सिग्नल कॉर्प्ससारख्या लष्कराच्या विविध शाखांनी संयुक्तपणे भाग घेतला होता. या सरावामार्फत तंत्रज्ञानावर आधारित समन्वित युद्धाचे उत्कृष्ट सादरीकरण दिसून आले. या सरावात स्वदेशी ड्रोन तंत्रज्ञानाचाही यशस्वी वापर करण्यात आला.
