Jammu Kashmir Blast : जम्मू-काश्मीरमध्ये लष्कराचं पथक गस्त घालताना स्फोट; २ जवान शहीद, एक जखमी

जम्मू-काश्मीरमधील नियंत्रण रेषेजवळ झालेल्या आयईडी स्फोटात 2 जवान शहीद झाले, तर एक गंभीर जखमी असून त्याच्यावर उपचार सुरू आहेत. एका जवानाची प्रकृती चिंताजनक असल्याचं सांगण्यात आलं आहे.

जम्मू-कश्मीरमध्ये लष्कराचं पथक गस्त घालत असताना स्फोट; २ जवान शहीद, एक जखमी

Follow Us:

Follow Us:

जम्मू-काश्मीरमधील नियंत्रण रेषेजवळ झालेल्या आयईडी स्फोटात 2 जवान शहीद झाले, तर एक गंभीर जखमी असून त्याच्यावर उपचार सुरू आहेत. मिळालेल्या माहितीनुसार, मंगळवारी दुपारी साडेतीन वाजता जम्मू जिल्ह्यातील खोर पोलिस ठाण्याअंतर्गत येणाऱ्या केरी बट्टल परिसरात नियंत्रण रेषेजवळ आयईडी स्फोट झाला. यामध्ये तीन सैनिक जखमी झाले, ज्यांना लष्कराच्या रुग्णालयात दाखल करण्यात आले. यापैकी दोघांचा उपचारादरम्यान मृत्यू झाला, तर एका जवानाची प्रकृती चिंताजनक असल्याचं सांगण्यात आलं आहे.

Supreme Court on EVM : ‘तोपर्यंत EVM मधील डेटा हटवायचा नाही’; सुप्रीम कोर्टाचे निवडणूक आयोगाला महत्त्वाचे निर्देश

अधिकाऱ्यांनी दिलेल्या माहितीनुसार, अखनूर सेक्टरमध्ये नियंत्रण रेषेजवळ लष्कराचे पथक गस्त घालत होते. यावेळी दहशतवाद्यांनी आयईडी स्फोट घडवून आणला. त्यात तीन जवान जखमी झाले. माहिती मिळताच, अतिरिक्त लष्करी तुकडी घटनास्थळी पोहोचली आणि जखमी जवानांना रुग्णालयात दाखल करण्यात आलं. त्यानंतर दहशतवाद्यांचा शोध घेण्यात येत आहे. स्फोटानंतर लगेचच संपूर्ण परिसराला वेढा घालण्यात आला आहे.

याच्या एक दिवस आधी, सोमवारी, राजौरी जिल्ह्यात नियंत्रण रेषेवर (LOC) गोळीबारात एक लष्करी जवान गंभीर जखमी झाला होता. नौशेरा सेक्टरमधील कलाल भागात एका अग्रेषित चौकीवर तैनात असलेल्या या जवानाला गोळी लागली आणि त्याला ताबडतोब लष्करी रुग्णालयात दाखल करण्यात आले. सुरुवातीच्या माहितीनुसार दुपारी २.४० वाजता नियंत्रण रेषेपलीकडून गोळीबार झाला.

याआधी ८ फेब्रुवारी रोजी, केरी सेक्टरमध्ये नियंत्रण रेषेच्या पलीकडे असलेल्या जंगलातून दहशतवाद्यांनी लष्कराच्या गस्ती पथकावर गोळीबार केला होता, जे या बाजूला घुसण्याची संधी शोधत होते. भारतीय सैन्यानेही प्रत्युत्तरादाखल काही गोळीबार केला आणि त्यानंतर परिसरात नजर ठेवण्यासाठी घुसखोरीविरोधी पथकाकडे जबाबदारी सोपवण्यात आली.

‘येताना आपल्या विमानातून काही महिला आणि मुलांना घेऊन या..’; अखिलेश यादवांचा पंतप्रधानांवर हल्लाबोल

नियंत्रण रेषेजवळ सापडला शस्त्रास्त्रांचा साठा

कुपवाडा जिल्ह्यातील नियंत्रण रेषेजवळील कर्नह भागात सोमवारी सुरक्षा दलांनी शोध मोहिमेदरम्यान शस्त्रास्त्रे आणि दारूगोळ्याचा साठा जप्त केला. अधिकाऱ्यांनी सांगितले की, कर्नह तहसीलमधील बडी मोहल्ला अमरोही येथे शस्त्रास्त्रे आणि दारूगोळा असल्याची माहिती मिळाल्यानंतर लष्कर आणि पोलिसांच्या संयुक्त पथकाने शोध मोहीम सुरू केली. शोध मोहिमेदरम्यान, सुरक्षा दलांनी एक एके ४७ रायफल, एक एके मॅगझिन, एक सायगा एमके रायफल, एक सायगा एमके मॅगझिन आणि १२ राउंड जप्त केले.

Web Title: Jammu kashmir blast 2 soldiers martyred near loc ied blast one injured

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com