Two Students Left Stranded At Night By ST Bus (फोटो सौजन्य-AI एआय)
‘प्रवाशांच्या सेवेसाठी’ आणि ‘सुरक्षित प्रवास’ असे ब्रीद मिरविणाऱ्या एसटी महामंडळाच्या कारभारावर प्रश्नचिन्ह निर्माण करणारी घटना भंडारा-मुंढरी मार्गावर घडली. बसमध्ये अन्य प्रवासी नसल्याचे कारण पुढे करीत चालक आणि वाहकाने दोन विद्यार्थिनींना रात्रीच्या अंधारात नियोजित गावापूर्वीच रोहा येथे उतरवून दिले. या प्रकारामुळे विद्यार्थिनींच्या सुरक्षिततेचा प्रश्न ऐरणीवर आला असून पालकांमध्ये संताप व्यक्त होत आहे.
शेतात धान कापणी करताना वाघाचा अचानक हल्ला; तरुणाचा उपचारासाठी नेताना मृत्यू
भंडारा येथून मुंढरीकडे जाणारी एमएच-४०/वाय-५००८ क्रमांकाची एसटी बस रात्री रोहा येथे पोहोचली. रोहा येथून पुढे मुंढरीपर्यंत जाण्यासाठी बसमध्ये या दोन विद्यार्थिनींशिवाय अन्य प्रवासी नव्हते. त्यामुळे चालक आणि वाहकाने विद्यार्थिनींना पुढे नेण्याऐवजी रोहा येथेच उतरविले. रात्रीच्या अंधारात दोन मुलींना वाटेतच सोडून देण्याच्या या प्रकाराची माहिती जिल्हा परिषद शिक्षण व बांधकाम सभापती नरेश ईश्वरकर यांना मिळाली. त्यांनी नियोजित दौरा रद्द करून तातडीने रोहा गाठले.
घटनास्थळी पोहोचल्यानंतर ईश्वरकर यांनी चालक आणि वाहकाला जाब विचारला. तसेच एसटी महामंडळाच्या वरिष्ठ अधिकाऱ्यांशी संपर्क साधून संबंधित कर्मचाऱ्यांच्या बेजबाबदार वर्तनाची तक्रार केली आणि कठोर कारवाईची मागणी केली. ईश्वरकर आणि पालक वेळेत घटनास्थळी पोहोचल्याने विद्यार्थिनींच्या सुरक्षिततेचा प्रश्न तातडीने मार्गी लागला.
Bhandara News: ट्रॅक्टरच्या धडकेत महिलेचा मृत्यू! परसवाडा नाल्याजवळील घटना; अल्पवयीन मुलगा गंभीर
मात्र, रात्रीच्या वेळी विद्यार्थिनींना त्यांच्या नियोजित गावापर्यंत सुरक्षित पोहोचविण्याची जबाबदारी एसटी प्रशासनाची असताना, केवळ अन्य प्रवासी नसल्याचे कारण देऊन त्यांना अर्ध्या रस्त्यात उतरविणे कितपत योग्य, असा सवाल उपस्थित होत आहे. विद्यार्थिनींच्या बाबतीत काही अनुचित घडले असते, तर त्याची जबाबदारी कुणी स्वीकारली असती? असा संतप्त प्रश्न पालकांकडून विचारला जात आहे. या प्रकरणाची वरिष्ठ स्तरावर चौकशी करून संबंधितांवर कारवाई करण्याची मागणी होत आहे.
Ans: भंडारा-मुंढरी मार्गावरील एसटी बसच्या चालक आणि वाहकाने अन्य प्रवासी नसल्याचे कारण देत 2 विद्यार्थिनींना रात्री रोहा येथे उतरविल्याचा आरोप आहे.
Ans: भंडारा येथून मुंढरीकडे जाणाऱ्या एमएच-40/वाय-5008 क्रमांकाच्या बसमधून विद्यार्थिनींना रोहा येथे उतरविण्यात आले. त्यांना मुंढरीपर्यंत जायचे होते.
Ans: घटनेची माहिती मिळताच जिल्हा परिषद शिक्षण व बांधकाम सभापती नरेश ईश्वरकर यांनी आपला दौरा रद्द करून रोहा येथे धाव घेतली. त्यांनी चालक आणि वाहकाला जाब विचारला तसेच एसटी महामंडळाच्या वरिष्ठ अधिकाऱ्यांकडे तक्रार करून कारवाईची मागणी केली.






