नवी दिल्ली – दिल्लीतील श्रद्धाचा तिच्या मित्राने केलेला निर्घृष खूनाची घटना समोर आलेली असून या घटनेने संपूर्ण देश हादरला आहे. अशातच लखनऊच्या दुबग्गा भागात आणखी एका मुलीची तिच्या प्रियकराकडून हत्या केल्याचा प्रकार समोर आला आहे.
धर्मांतराला विरोध केल्याने प्रियकराने प्रेयसीला चौथ्या मजल्यावरून फेकून दिल्याची ही घटना मंगळवारी घडली. यात गंभीर जखमी झालेल्या मुलीचा रुग्णालयात काही वेळातच मृत्यू झाला. या सर्व प्रकरणात पीडितेच्या कुटुंबीयांच्या तक्रारीवरून खून आणि जबरदस्तीने धर्मांतर करणाऱ्या तिच्या प्रियकरावर गुन्हा दाखल झाला आहे.
पोलिसांनी दिलेल्या माहितीनुसार, निधी गुप्ता (१९) हिचे सुफियानसोबत प्रेमसंबंध होते. सुफियानने काही दिवसांपूर्वी तिला मोबाईल दिला होता. मंगळवारी हा प्रकार कुटुंबीयांच्या लक्षात आला. याबाबत तक्रार करण्यासाठी ते सुफियान यांच्या घरी पोहोचले असता, दोन्ही कुटुंबांमध्ये जोरदार भांडण झाले.
सुफियानने निधीला चार मजली इमारतीच्या टेरेसवरून खाली फेकल्याचा आरोप कुटुंबीयांनी केला आहे. खाली पडल्याने निधीचा वेदनादायी मृत्यू झाला. आता सुफियान आणि त्याचे कुटुंबीय फरार आहेत. पोलिसांनी सुफियानसह त्याच्या कुटुंबीयांवर गुन्हा दाखल केला आहे. कुटुंबीयांनी नातेवाईकांनी पोलिस ठाणे व रुग्णालयात गोंधळ घातला. दरम्यान, या सर्व प्रकरणामुळे हिंदुत्ववादी संघटनाकडून संताप व्यक्त केला जात आहे.
.png "Videos"){kind=small}
