नवी दिल्ली : दिल्लीतील अबकारी धोरण प्रकरणात कथित मद्य घोटाळा झाल्याचा आरोप करत ईडीने वर्षभरापूर्वी माजी उपमुख्यमंत्री मनीष सिसोदीया यांना अटक केली. त्यानंतर मुख्यमंत्री अरविंद केजरीवाल यांनाही अटक केली आहे. या कारवाईला आठवडा उलटत नाही तोच आम आदमी पक्षाचा आणखी एक मंत्री ईडीच्या फेऱ्यात अडकला आहे.
ईडीने मंत्री कैलाश गहलोत यांना समन्स बजावले होते. त्यानंतर गहलोत तत्परतेने चौकशीला हजरही झाले. ते दिल्लीच्या नजफगड मतदारसंघातून आमदार म्हणून निवडून आले आहेत. दिल्ली सरकारमध्ये त्यांच्याकडे वाहतुक, गृह आणि विधी या खात्याची जबाबदारी आहे. गहलोत यांना मनी लाँड्रिंगच्य प्रकरणात जबाब नोंदविण्यासाठी बोलावण्यात आले होते. ईडीने त्यांची तास चौकशी केली.
जलबोर्ड घोटाळ्यात आरोपपत्र सादर
जल बोर्डच्या निविदेशी संबंधित मनी लाँड्रिंगच्या प्रकरणात ईडीने राऊज एव्हेन्यू कोर्टात 8000 पानांचे आरोपपत्र दाखल केले आहे. या आरोपपत्रात ईडीने जगदीश अरोरा, अनिल अग्रवाल अरोरा, सीए तजेंद्र सिंह सह एनबीसीसीचे माजी अधिकारी देवेंद्रकुमार मित्तल आणि एक कंपनी एनकेजीला आरोपी बनविले आहे. या प्रकरणावर 1 एप्रिल रोजी सुनावणी होणार आहे. याच प्रकरणात ईडीने मुख्यमंत्री केजरीवाल यांनादेखील समन्स जारी केले होते.
.png "Videos"){kind=small}
