LPG Crisis News: सावध राहा! गॅस सिलेंडरचा काळाबाजार करणाऱ्यांची आता खैर नाही; मोदी सरकारचे कडक निर्देश जारी

Gas Black Marketing Action: देशात एलपीजी गॅसचा तुटवडा नसल्याचे केंद्र सरकारने स्पष्ट केले आहे. काळाबाजार आणि साठेबाजी रोखण्यासाठी राज्य सरकारांना कडक कारवाईचे निर्देश देण्यात आले आहेत.

• सावध राहा!
• गॅस सिलेंडरचा काळाबाजार करणाऱ्यांची आता खैर नाही
• मोदी सरकारचे कडक निर्देश जारी

नवी दिल्ली: मध्य आशियातील युद्धजन्य परिस्थितीमुळे देशात स्वयंपाकाच्या गॅसचा तुटवडा निर्माण होणार असल्याची चर्चा सर्वत्र रंगली आहे. मात्र, केंद्र सरकारने (Central Goverment) या केवळ अफवा असल्याचे स्पष्ट करत साठेबाजी आणि काळाबाजार करणाऱ्यांविरुद्ध आक्रमक पवित्रा घेतला आहे. पेट्रोलियम मंत्रालयाने सर्व राज्यांना कडक निर्देश जारी केले असून, विनाकारण ‘पॅनिक बुकिंग’ न करण्याचे आवाहन नागरिकांना केले आहे.

आकडेवारी काय सांगते? ‘पॅनिक बाइंग’मुळे पुरवठा साखळीवर ताण

पेट्रोलियम मंत्रालयाच्या संयुक्त सचिव सुजाता शर्मा यांनी शुक्रवारी माध्यमांशी संवाद साधताना स्पष्ट केले की, देशात गॅसचा कोणताही तुटवडा नाही. परंतु, भीतीपोटी ग्राहक गरजेपेक्षा जास्त सिलेंडर बुक करत असल्याने यंत्रणेवर ताण येत आहे. सामान्यतः देशात दररोज 50 ते 55 लाख सिलेंडरची बुकिंग होते. गेल्या काही दिवसांत हा आकडा 75 ते 76 लाखांवर पोहोचला आहे. दररोज सुमारे 25 लाख अतिरिक्त बुकिंग होत असल्याने पुरवठा साखळी विस्कळीत होत आहे.

See more

During a media briefing on the recent developments in #WestAsia, Sujata Sharma, Joint Secretary, Ministry of Petroleum & Natural Gas, said that there is no dry out reported from any of the 25,000 distributors and urges citizens to refrain from panic booking as uninterrupted LPG… pic.twitter.com/XYlJ3jYkwT — Ministry of Information and Broadcasting (@MIB_India) March 13, 2026

Smriti Irani Gas Protest : LPG चा तुटवडा अन् स्मृती इराणींविरुद्ध Viral झाले मीम्स; लापता लेडीज अन्…

साठेबाजांविरुद्ध कडक पावले

गॅस सिलेंडरची अवैध साठेबाजी आणि चढ्या दराने होणारी विक्री रोखण्यासाठी केंद्र सरकारने सर्व राज्ये आणि केंद्रशासित प्रदेशांसोबत उच्चस्तरीय बैठक घेतली आहे. या बैठकीत जिल्हाधिकारी आणि पोलीस अधीक्षक यांनी प्रत्यक्ष गोदामांवर छापे टाकून कारवाई करण्याचे आदेश देण्यात आले आहेत. उत्तर प्रदेश येथे हापूड आणि झाशी येथे चोरीच्या सिलेंडरची जप्ती व गोदामे सील करण्याची मोठी कारवाई करण्यात आली आहे.कर्नाटक आणि मध्य प्रदेश येथे अवैध साठवणुकीवर छापे टाकण्यात येत आहेत. तसेच, महाराष्ट्र, राजस्थान आणि उत्तर प्रदेशसह अनेक राज्यांत तक्रारींसाठी विशेष नियंत्रण कक्ष कार्यान्वित करण्यात आले आहेत.

ग्राहक सेवा केंद्रांचे सक्षमीकरण

ग्राहकांच्या तक्रारींचे त्वरित निवारण करण्यासाठी ऑईल मार्केटिंग कंपन्यांनी आपल्या कॉल सेंटर्समध्ये मोठी सुधारणा केली आहे. तांत्रिक अडथळे दूर करण्यासाठी कॉल सेंटर्समधील प्रतिनिधींची संख्या 400 पर्यंत वाढवण्यात आली असून 50 हून अधिक टेलिफोन लाईन्स उपलब्ध करून देण्यात आल्या आहेत. कोणताही उपभोक्ता आता विनाविलंब आपली तक्रार नोंदवू शकणार आहे.

नागरिकांना आवाहन

सरकारने स्पष्ट केले आहे की, देशाकडे पुढील अनेक महिने पुरेल इतका गॅस साठा उपलब्ध आहे. त्यामुळे केवळ भीतीपोटी सिलेंडरचा साठा करून कृत्रिम टंचाई निर्माण करू नका. टंचाईचा गैरफायदा घेणाऱ्या दलालांची माहिती तातडीने प्रशासनाला द्यावी, असे आवाहनही पेट्रोलियम मंत्रालयाकडून करण्यात आले आहे.

एकीकडे गॅससाठी वणवण तर दुसरीकडे काळाबाजार फोफावला; एकाच घरातून 31 सिलेंडर जप्त