सध्या ब्राझीलमध्ये (Brazil) मुसळधार पाऊस पडत आहेत. या सतत पडणाऱ्या पावसामुळे नद्यांना पूर आला आहे. पावसामुळे आलेल्या पुराने आणि भुसखलनामुळे ब्राझीलमध्ये मोठे नुकसान झाले आहे. दक्षिणेकडे असलेल्या रिओ ग्रांदे डो सुल राज्यामध्ये पावसाचा सर्वाधिक कहर चालू आहे. सतत पडत असलेल्या मुसळधार पावसामुळे ब्राझीलमधील रस्ते, घर वाहून गेली आहेत. तिथे आलेल्या पुरामुळे अनेकांना आपली घरे सोडावी लागली आहेत.
ब्राझीलमध्ये मागील आठवड्यांपासून झालेल्या मुसळधार पावसामुळे ५७ हून अधिक लोकांचा मृत्यू झाला आहे. तर अनेक लोक बेपत्ता झाले आहेत. ब्राझीलमधील बचाव पथकाकडून शोध मोहीम सुरु आहे. नुकतीच समोर आलेल्या आकडेवारीनुसार २८१ नगरपालिका प्रभावित झाल्या असून यामध्ये ७४ लोक जखमी झाले आहेत. ६७,००० हून अधिक लोक प्रभावित झाल्याने तिथल्या सरकारने आपत्ती स्थिती घोषित केली आहे. तर ४,५०० लोकांसाठी तात्पुरते आश्रयस्थान दिले आहे.
नद्यांना आलेल्या पुरामुळे अनेकांना आपली घरे सोडावी लागली आहेत. काही भागांमध्ये घरांच्या छतांवरून पाणी गेले आहे. बचाव पथकांकडून पाळीव प्राणी, लोक यांना शोधण्यात व्यस्त आहे. मुसळधार पडत असलेल्या पावसामुळे गुआइबा या सरोवरातील पाण्याची पातळीमध्ये पाच टक्क्यांनी वाढ झाली आहे. तसेच राजधानीच्या शहरात देखील पाणी शिरल्याचे, अधिकाऱ्यांकडून सांगण्यात आले आहे. पाण्याची पातळी झपाट्याने वाढत असल्याने सगळीकडे मोठ्या प्रमाणावर पाणी शिरले आहे. या पुरचा सर्वाधिक फटका ब्राझीलला बसल्याने आर्थिकदृष्ट्या मोठा फटका बसला आहे.
