नवी दिल्ली : लोकसभा निवडणुकीत (Lok Sabha 2024) चमकदार कामगिरी करणारा भाजप आता राज्यसभेत स्वबळावर बहुमताच्या अगदी जवळ आला आहे. एप्रिलमध्ये रिक्त झालेल्या राज्यसभेच्या 56 जागांपैकी भाजपने 30 जागा जिंकल्या आहेत. त्यापैकी 20 बिनविरोध निवडून आले. त्याचवेळी मतदानातून 10 जागा जिंकल्या. त्यामुळे राज्यसभेतील भाजप खासदारांची संख्या 97 होणार आहे.
राज्यसभा खासदारांमध्ये पाच नामनिर्देशित खासदारांचा समावेश आहे. त्याचबरोबर भाजपच्या नेतृत्वाखालील एनडीएच्या खासदारांची संख्या 117 पर्यंत वाढणार आहे. वरिष्ठ सभागृहात 240 खासदार आहेत. बहुमतासाठी कोणत्याही पक्षाला किंवा आघाडीला 121 खासदारांचा पाठिंबा आवश्यक असतो. एनडीएसोबत ही संख्या 117 वर पोहोचली आहे. बहुमतापासून फक्त 4 दूर आहे.
नुकत्याच झालेल्या 56 जागांच्या निवडणुकीत एनडीएने 30 जागा जिंकल्या आहेत. महत्त्वाचे म्हणजे एकट्या भाजपच्या खासदारांची संख्या 100 च्या जवळपास पोहोचली आहे. मंगळवारी तीन राज्यांतील 15 जागांसाठी मतदान झाले. हिमाचल प्रदेश, उत्तर प्रदेश आणि कर्नाटक या तीन राज्यांमध्ये निवडणूक झाली. तीन राज्यांत भाजपला दोन अतिरिक्त जागा मिळाल्या आहेत.
काँग्रेसशासित हिमाचल प्रदेशात भाजपला एकापेक्षा जास्त जागा आणि उत्तर प्रदेशात एका जागेवर विजय मिळाला आहे. या दोन्ही राज्यात आमदारांनी भाजपच्या बाजूने क्रॉस व्होट केले होते.
.png "Videos"){kind=small}
