रविवार, 4 ऑक्टोबर 2026
नेहा वोरा पुन्हा ताब्यात; दिल्ली पोलिसांवर अपहरणाचा गंभीर आरोप
दिल्ली : दिल्लीतील अशोक रोडवर निवडणूक आयुक्त ज्ञानेश कुमार यांच्या राजीनाम्याची मागणी करत आंदोलन सुरू आहे. याच आंदोलनादरम्यान AISAच्या अध्यक्ष नेहा वोरा यांना पुन्हा एकदा दिल्ली पोलिसांकडून ताब्यात घेण्यात आले आहे. नेहा वोरा यांनी आज (रविवार, 4 ऑकटोबर) आपल्या एक्स अकाउंटवर एक पोस्ट करत दिल्ली पोलिसांवर गंभीर आरोप केला आहे. (Delhi Protest)
दिल्ली पोलीस आपल्याला एका वाहनातून घेऊन जात असून, हे केवळ डिटेंशन नसून आपले अपहरण केले जात असल्याचा दावा त्यांनी केला आहे. यापूर्वी 3 ऑक्टोबर रोजीही त्यांना डिटेन करण्यात आले होते.
नेहा वोरा यांच्या डिटेंशननंतर सोशल मीडियावरही विविध प्रतिक्रिया उमटत आहेत. ज्या वाहनातून त्यांना नेण्यात येत आहे, त्या वाहनात महिला पोलीस कर्मचारी दिसत नसल्याचा दावा काही जणांकडून करण्यात येत आहे. महिला आंदोलकाला ताब्यात घेताना महिला पोलिसांची उपस्थिती आवश्यक आहे का, तसेच नेहा वोरा यांना पुन्हा ताब्यात घेण्यामागे नेमका काय कायदेशीर आधार आहे, असे सवाल सोशल मीडियावर उपस्थित केले जात आहेत.
Where is Delhi Police taking Neha on their own? This is not detention it is kidnapping! https://t.co/dFBBh1EaLa — Neha (@neha_aisa) October 4, 2026
नेहा वोरा यांना दुसऱ्यांदा डिटेन करण्यात आल्याचा दावा झाल्यानंतर या कारवाईच्या कायदेशीर आधारावरही चर्चा सुरू झाली आहे. पोलिसांनी कोणत्या कारणामुळे त्यांना ताब्यात घेतले आणि त्यांना कुठे नेले जात आहे, याबाबत स्पष्ट माहिती समोर येणे महत्त्वाचे आहे. दरम्यान, नेहा वोरा यांच्या पोस्टमधील आरोपांनंतर या प्रकरणात दिल्ली पोलिसांची अधिकृत भूमिका महत्त्वाची ठरणार आहे.
ज्ञानेश कुमार यांच्या राजीनाम्याची तसेच ACP विवेक भगत यांच्या अटकेची मागणी करत आंदोलन सुरू आहे. आंदोलनाला वेग आल्यानंतर परिस्थिती नियंत्रणात ठेवण्यासाठी रॅपिड अॅक्शन फोर्स अर्थात RAFचे जवान तैनात करण्यात आल्याचे सांगण्यात आले आहे. याआधी आंदोलनस्थळी CRPFचे जवान तैनात होते. आंदोलन अधिक तीव्र झाल्यानंतर सुरक्षा व्यवस्था वाढवण्यात आली आहे.
🚨SOS🚨 AISA President Neha Bora has been picked up by Delhi Police in an unauthorised vehicle, WITHOUT A SINGLE FEMALE CONSTABLE! WE DO NOT KNOW WHERE THEY ARE TAKING THEM! THEIR WHEREABOUTS ARE UNKNOWN! @DelhiPolice has crossed EVERY LIMIT! — AISA (@aisa_official_) October 4, 2026
निवडणूक आयोगाच्या कारभारावर प्रश्न उपस्थित करत आंदोलकांकडून ज्ञानेश कुमार यांच्या राजीनाम्याची मागणी केली जात आहे. त्याचबरोबर ACP विवेक भगत यांच्यावरही कारवाई करण्याची मागणी आंदोलनकर्त्यांकडून करण्यात येत आहे.
दिल्लीतील या आंदोलनादरम्यान पोलिसांची कारवाई, नेहा वोरा यांचे डिटेंशन आणि त्यांच्याकडून करण्यात आलेले गंभीर आरोप यामुळे प्रकरण चांगलेच चर्चेत आले आहे.
