Crime News : २० कोटींचं कर्ज, ५ वर्षे अंडरग्राउंड…; मित्तल कुटुंबातील ७ जणांच्या आत्महत्येचं असं उलगडलं गुढ

मूळचा हिसारचा रहिवासी असलेला ४२ वर्षीय प्रवीण मित्तल पंचकुलातील साकेत्री गावाजवळ भाड्याच्या घरात राहत होता. प्रवीण एकेकाळी एक मोठा भंगार विक्रेता होता, पण हळूहळू त्याचा व्यवसाय कर्जाच्या ओझ्याखाली दबला गेला. आत्महत्या करण्यापूर्वी त्याने एका धार्मिक कथेत भाग घेतला आणि त्यानंतर त्याने आत्महत्या केल्याचे सांगण्यात येत आहे.

संपूर्ण कुटुंब मृतावस्थेत सांपडलं

स्थानिक लोकांच्या म्हणण्यानुसार, रात्री ११ वाजण्याच्या सुमारास एक गाडी बराच वेळ बंद उभी होती. जेव्हा लोकांना संशय आला आणि गाडी उघडली तेव्हा त्यात सात जणांचे मृतदेह आढळले. फक्त प्रवीण मित्तल श्वास घेत होते, त्यांना तातडीने बाहेर काढून चौकशी करण्यात आली तेव्हा त्याने विष प्राशन केल्याचं सांगितलं. काही काळात त्यांचाही मृत्यू झाला. प्रवीण मित्तल यांनी आत्महत्या करण्यापूर्वी एक चिठ्ठीही लिहिली होती ज्यामध्ये त्यांनी “आम्ही कर्जाला वैतागलो आहोत. कोणीही आम्हाला मदत केली नाही. आम्ही सर्वजण विष प्राशन करत आहोत. माझ्या मामाचा मुलगा आमच्या अंत्यसंस्काराची जबाबदारी घेईल, असं म्हटलं होतं.

यशापासून अपयशापर्यंतचा प्रवास

एकेकाळी कारखाना, गाड्या, फ्लॅट आणि आनंदी कुटुंब असलेल्या प्रवीण मित्तल यांचे आयुष्य पूर्णपणे बदलले. हिमाचलमधील बद्दी येथे त्यांचा एक भंगार कारखाना होता, जो बँकेने जप्त केला होता. प्रवीण हा मूळचा हिसारमधील बरवाला येथील रहिवासी होता. सुमारे १२ वर्षांपूर्वी पंचकुला येथे स्थलांतरित झाले. मी पाच वर्षे कोणाशीही संपर्क साधला नाही. काही काळापूर्वी मी मोहालीच्या खरार येथे राहायला आलो.

आत्महत्येच्या दिवशीही वैष्णवीचा अमानुष छळ; पाईपने मारहाण झाल्याचेही स्पष्ट

सध्या तो पंचकुलातील साकेत्री गावाजवळ राहत होता. कर्ज २० कोटी रुपयांपर्यंत पोहोचले होतं. परिस्थिती इतकी बिकट झाली की त्याला ओळख लपवून कॅब चालवावी लागली. त्यांनी डेहराडून, खरार आणि नंतर पंचकुला येथून प्रवास अज्ञातवासात केला. डेहराडूनमधील त्यांच्या शेजारी आणि मुलांच्या मित्रांनी सांगितले की मित्तल कुटुंब शांत, साधे आणि सामाजिक होते. तो आतून इतक्या मोठ्या समस्यांशी झुंजत आहे याची कोणालाही कल्पना नव्हती.

संबंधित बातम्या