PM Narendra Modi expresses grief over the passing of singer Asha Bhosle.
PM Modi Condolences on Asha Bhosle : मुंबई : भारतीय संगीतातील एक महान आणि अजरामर आवाज असलेल्या आशा भोसले यांच्या निधनाने संपूर्ण देशाला धक्का बसला आहे. वयाच्या ९२ व्या वर्षी झालेल्या त्यांच्या निधनाच्या बातमीने केवळ चित्रपटसृष्टीलाच नव्हे, तर लाखो चाहत्यांनाही धक्का बसला आहे. आपल्या मधुर आवाजाने अनेक दशके लोकांच्या हृदयावर राज्य करणाऱ्या आशा भोसले यांनी भारतीय संगीताला जागतिक ओळख मिळवून दिली. त्यांचे निधन हे संगीत जगतासाठी कधीही भरून न येणारे नुकसान मानले जात आहे. आशा भोसले यांच्यासाठी पंतप्रधान नरेंद्र मोदी यांनी खास सोशल मीडिया पोस्ट केली आहे.
पंतप्रधान नरेंद्र मोदी यांनी एक्स या सोशल मीडिया अकाऊंटवर आशाताई भोसले यांच्यासाठी खास सोशल मीडिया पोस्ट केली आहे. नरेंद्र मोदी यांनी मराठमोळ्या आशा भोसलेंसाठी मराठीमध्ये पोस्ट केली आहे. पंतप्रधान मोदींनी लिहिले आहे की, भारतातील सर्वात ख्यातनाम आणि अष्टपैलू आवाजांपैकी एक असलेल्या आशा भोसले जी यांच्या निधनाने अतिशय दुःख झाले. त्यांच्या अनेक दशकांच्या अद्वितीय संगीत प्रवासाने आपल्या सांस्कृतिक वारशाला समृद्ध केले आणि जगभरातील असंख्य लोकांच्या मनाला स्पर्श केला,”
हे देखील वाचा : : आशा भोसले यांचं Shraddha Kapoorसोबत ‘हे’ खास नातं; जाणून घ्या कुटुंबातील कनेक्शन
पुढे मोदी यांनी लिहिले आहे की, “भावपूर्ण गीतांपासून ते जोशपूर्ण संगीत रचनांपर्यंत, त्यांच्या आवाजात कालातीत तेज होते. त्यांच्याशी झालेल्या संवादांच्या आठवणी मी सदैव जपून ठेवेन. त्यांच्या कुटुंबीयांना, चाहत्यांना आणि संगीतप्रेमींना माझ्या भावपूर्ण संवेदना. त्या पुढील पिढ्यांना प्रेरणा देत राहतील आणि त्यांची गाणी सदैव लोकांच्या आयुष्यात गुंजत राहतील” अशा शब्दांत पंतप्रधान नरेंद्र मोदी यांनी आशा भोसले यांच्या निधनावर शोक व्यक्त केला आहे.
भारतातील सर्वात ख्यातनाम आणि अष्टपैलू आवाजांपैकी एक असलेल्या आशा भोसले जी यांच्या निधनाने अतिशय दुःख झाले. त्यांच्या अनेक दशकांच्या अद्वितीय संगीत प्रवासाने आपल्या सांस्कृतिक वारशाला समृद्ध केले आणि जगभरातील असंख्य लोकांच्या मनाला स्पर्श केला. भावपूर्ण गीतांपासून ते जोशपूर्ण… pic.twitter.com/JsjoxbdCCt — Narendra Modi (@narendramodi) April 12, 2026
हे देखील वाचा : संगीतविश्वावर 8 दशके अधिराज्य गाजवणारा चिरतरुण आवाज हरपला; आशा भोसलेंच्या निधनानंतर सपकाळांची प्रतिक्रीया
ज्येष्ठ पार्श्वगायिका आशा भोसले यांचं आज (रविवार, 12 एप्रिल) निधन झालं. दक्षिण मुंबईतील ब्रीच कँडी रुग्णालयात त्यांनी अखेरचा श्वास घेतला. त्या 92 वर्षांच्या होत्या. शनिवारी प्रकृती अस्वास्थ्यामुळे त्यांना रुग्णालयात दाखल करण्यात आलं होतं. त्यानंतर त्यांची प्रकृती चिंताजनकच होती. आशा भोसले यांना काल ह्रदयविकाराचा झटका आला होता. उद्या आशा भोसले यांच्यावर शासकीय इतमामत अंतिम विधी केले जाणार आहे. शिवाजी पार्कमध्ये त्यांच्यावर अंत्यसंस्कार होणार आहे.
.png "Videos"){kind=small}
