देशभरात 11 सप्टेंबरपर्यंत मुसळधार पावसाची शक्यता; नेपाळनंतर आता उत्तराखंडसह हिमाचल प्रदेशात पूर येणार?

देशभरातील सक्रिय हवामान प्रणालींमुळे, 11 सप्टेंबरपर्यंत वायव्य, मध्य, पूर्व, ईशान्य आणि दक्षिण भारतातील अनेक भागांमध्ये मुसळधार पाऊस, मेघगर्जना आणि विजांचा कडकडाटाचा अंदाज आहे.

नवी दिल्ली : गेल्या काही दिवसांपासून वातावरणात कमालीचा बदल जाणवत आहे. देशाच्या अनेक भागांतील सक्रिय हवामान प्रणालींमुळे 11 सप्टेंबरपर्यंत काही भागांमध्ये मुसळधार पाऊस, मेघगर्जना आणि विजांचा कडकडाट होण्याची शक्यता आहे. उत्तराखंडच्या आठ जिल्ह्यांमध्ये आणि हिमाचल प्रदेशातील सिरमौर जिल्ह्यात अचानक पूर येण्याची शक्यता आहे. पुढील काही दिवसांत मध्य, पूर्व आणि ईशान्य भारतात मुसळधार ते सर्वदूर पावसाचा अंदाज वर्तवण्यात आला आहे.

देशभरातील सक्रिय हवामान प्रणालींमुळे, 11 सप्टेंबरपर्यंत वायव्य, मध्य, पूर्व, ईशान्य आणि दक्षिण भारतातील अनेक भागांमध्ये मुसळधार पाऊस, मेघगर्जना आणि विजांचा कडकडाटाचा अंदाज आहे. काही भागांमध्ये वीज पडण्याची शक्यता आहे. डोंगराळ राज्य उत्तराखंडमधील आठ जिल्हे आणि हिमाचल प्रदेशातील एका जिल्ह्यात पुढील 24 तासांत अचानक पूर येण्याचा धोका आहे. बिहारमध्ये पुराचा कहर सुरूच असून, प्रमुख नद्या धोक्याच्या पातळीच्या वर वाहत आहेत, ज्यामुळे 16 लाखांहून अधिक लोकांना फटका बसला आहे. दरम्यान, जम्मू आणि काश्मीर तसेच लडाखच्या उंच शिखरांवर या हंगामातील पहिली हिमवृष्टी झाली आहे.

Washim News : ४ दिवसाच्या पावसाने जलसाठ्यात झाली वाढ; एकबुर्जीचा जलसाठा पोहोचला ३६.४१ टक्क्यांवर

भारतीय हवामान विभागाने शनिवारी जारी केलेल्या बुलेटिननुसार, उत्तराखंडमधील बागेश्वर, चमोली, चंपावत, नैनिताल, रुद्रप्रयाग, टिहरी गढवाल, पौरी गढवाल आणि उत्तरकाशी जिल्हे, तसेच हिमाचल प्रदेशातील सिरमौर जिल्ह्यात ६ सप्टेंबर रोजी सकाळी साडेअकराच्या सुमारास अचानक पूर येण्याची शक्यता आहे. पूर्व राजस्थान आणि पश्चिम उत्तर प्रदेशात ६ सप्टेंबर रोजी, तर पूर्व उत्तर प्रदेशात ८ सप्टेंबरपर्यंत सर्वत्र पावसाचा अंदाज आहे.

मध्य आणि पूर्व भारतात वाढला धोका

भारतीय हवामान विभागाच्या (IMD) अंदाजानुसार, मध्य भारतातील पश्चिम मध्य प्रदेशात ६-७ सप्टेंबर रोजी मुसळधार पावसाची शक्यता आहे, तर पूर्व मध्य प्रदेशात ५-८ सप्टेंबर, छत्तीसगडमध्ये ८-११ सप्टेंबर आणि महाराष्ट्रातील विदर्भात ११ सप्टेंबर रोजी सर्वत्र पावसाची शक्यता आहे. पूर्व भारतात, अंदमान आणि निकोबार बेटे, उप-हिमालयातील पश्चिम बंगाल आणि सिक्कीममध्ये ११ सप्टेंबरपर्यंत सर्वत्र पाऊस पडेल. बिहारमध्ये ७ ते ११ सप्टेंबर दरम्यान मुसळधार पाऊस पडेल, असा अंदाज आहे.

देशातील अनेक ठिकाणी पुन्हा मुसळधार पाऊस होणार; आसाम, मेघालयसह ‘या’ राज्यांना सतर्कतेचा इशारा