पुण्यात उन्हाचा कडाका कायम; दिवसभर ढगाळ वातावरण राहण्याचा अंदाज

पुणे शहरात सोमवारी किमान तापमान २२.१ अंश सेल्सिअस, तर कमाल तापमान ३५ अंश सेल्सिअस नोंदवले गेले. दिवसभर वाढलेला उकाडा आणि कडक उन्हामुळे नागरिक हैराण झाले होते.

• उन्हाच्या कडाक्याने पुणेकर हैराण
• कोल्हापुरातही झाला होता पाऊस
• पुण्यात उन्हाचा कडाका कायम

पुणे : गेल्या काही दिवसांपासून वातावरणात कमालीचा बदल पाहिला मिळत आहे. उन्हाच्या कडाक्याने हैराण झालेल्या पुणेकरांना सोमवारी (ता. १९) सायंकाळी अचानक झालेल्या पावसामुळे काहीसा दिलासा मिळाला. शहर आणि परिसरात दिवसभर काहीसे ढगाळ वातावरण असले तरी उन्हाचा चटका कायम होता. सायंकाळी सहाच्या सुमारास अचानक पावसाला सुरुवात झाल्याने नागरिकांची काही काळ तारांबळ उडाली. मात्र, पुण्यात उन्हाचा कडाका कायम असल्याचे दिसून येत आहे.

पुणे शहरात सोमवारी किमान तापमान २२.१ अंश सेल्सिअस, तर कमाल तापमान ३५ अंश सेल्सिअस नोंदवले गेले. दिवसभर वाढलेला उकाडा आणि कडक उन्हामुळे नागरिक हैराण झाले होते. सायंकाळी झालेल्या पावसामुळे वातावरणात काहीसा गारवा निर्माण झाला. दरम्यान, मंगळवारी (ता. २०) शहराच्या कमाल तापमानात फारसा बदल होण्याची शक्यता नसून, किमान तापमानात किंचित घट होऊन ते सुमारे २२ अंश सेल्सिअस राहण्याचा अंदाज आहे. ते आकाश मुख्यतः निरभ्र राहून दुपारी किंवा संध्याकाळी अंशतः ढगाळ राहण्याची शक्यता हवामानशास्त्र विभागाने वर्तवली आहे.

दरम्यान, पावसाच्या प्रतीक्षेत असलेल्या शेतकऱ्यांना अखेर काही दिवसांपूर्वीच काहीसा दिलासा मिळाला आहे. पश्चिम महाराष्ट्रातील कोल्हापूर, सांगली, साताऱ्यातील काही भागात पाऊस बरसला. नंदुरबारमध्ये मुसळधार पावसाने हजेरी लावली. सांगलीच्या कडेगाव आणि तासगाव तालुक्यातल्या अनेक भागात जोरदार पाऊस झाला.

कोल्हापुरातही झाला पाऊस

कोल्हापुरातही विजांच्या कडकडाटासह मुसळधार पाऊस झाला. सकाळपासून ढगाळ वातावरण पाहायला मिळाल होते. सातपुड्‌यातही पावसाने हजेरी लावली. संगमेश्वर तालुक्यातील साखरपा, कोंडगाव आणि राजापूर तालुक्यातील पाचल पंचक्रोशीत पाऊस झाला. मिरज पूर्व, तासगाव, कवठेमहांकाळ आणि शिराळ्या तालुक्यांच्या काही भागात विजांच्या कडकडाटासह मध्यम ते जोरदार पावसाने हजेरी लावली. पाण्याअभावी रखडलेल्या रब्बी हंगामातील पिकांना या पावसाने आधार मिळाला असून, शाळू, ज्वारीच्या पेरणीसाठी पोषक स्थिती निर्माण झाली आहे.

शिंदेसेनेच्या पाठिंब्यामुळे भाजपसमोर आव्हान ! नंदनवनवरील बैठकीनंतर राजकीय समीकरणांना नवे वळण