पीएफमध्ये खातं आहे? पैसे काढायचेत? पण आता ‘या’ पर्यायातून नाही येणार पैसे काढता

कर्मचारी भविष्य निर्वाह निधी संघटना म्हणजेच ईपीएफओने कोविड आगाऊ सुविधा बंद केली आहे. कोरोना महामारीच्या काळात ईपीएफओने खातेधारकांना त्यांच्या पीएफ खात्यातून आगाऊ स्वरूपात पैसे काढण्याची सुविधा दिली होती. मात्र, आता ही सुविधा काढून टाकण्यात आली आहे.

नवी दिल्ली : कर्मचारी भविष्य निर्वाह निधी संघटना म्हणजेच ईपीएफओने कोविड आगाऊ सुविधा बंद केली आहे. कोरोना महामारीच्या काळात ईपीएफओने खातेधारकांना त्यांच्या पीएफ खात्यातून आगाऊ स्वरूपात पैसे काढण्याची सुविधा दिली होती. मात्र, आता ही सुविधा काढून टाकण्यात आली आहे.

जागतिक आरोग्य संघटनेने सात महिन्यांपूर्वी जाहीर केले होते की, कोविड 19 साथीचा रोग यापुढे सार्वजनिक आरोग्य आणीबाणी नाही. एका आठवड्यापूर्वी अधिकाऱ्यांसोबत झालेल्या बैठकीत हा निर्णय घेण्यात आल्याचे ईपीएफओ अधिकाऱ्याने सांगितले. अधिकाऱ्याने म्हटले की, या संदर्भातील अधिसूचना अद्याप जारी करण्यात आलेली नाही. सॉफ्टवेअरमधील नॉन-रिफंडेबल कोविड अॅडव्हान्सची तरतूद काढून टाकण्यासाठी प्रयत्न केले जात आहेत. यामुळे सदस्य त्यासाठी अर्ज करू शकत नाहीत.

ईपीएफओच्या या सुविधेमुळे देशात खप वाढला; परंतु ती जास्त काळ चालू ठेवणे योग्य नाही. याचा परिणाम ईपीएफओला गंतवलेल्या निधीच्या पुरवठ्यावर झाला आहे. म्हणजेच अप्रत्यक्षपणे ईपीएफओ सदस्यांच्या परताव्यावर परिणाम झाला आहे. एकूण 2.2 कोटी सदस्यांनी कोरोना अॅडव्हान्स सुविधेचा लाभ घेतला. ही संख्या ईपीएफओ सदस्यांच्या एकूण संख्येच्या एक तृतीयांशपेक्षा जास्त आहे.

 2.2 कोटी सदस्यांना लाभ

ईपीएफओच्या 2022-23 च्या वार्षिक अहवालानुसार, ईपीएफओने 2020-21 मध्ये 17,106.17 कोटी रुपये वितरित केले. याचा फायदा 69.2 लाख ग्राहकांना झाला. 2021-22 मध्ये 91.6 लाख ग्राहकांनी या सुविधेचा लाभ घेतला आणि 19.126.29 लाख कोटी रुपये काढले. त्याचप्रमाणे 2022-23 मध्ये 62 लाख ग्राहकांनी त्यांच्या पीएफ खात्यातून 11,843.23 कोटी रुपये काढले.