वाराणसी : आयआयटी बीएचयू येथे शिक्षण घेणाऱ्या तरुणीची छेड काढून नंतर नग्न व्हिडिओ बनवल्याप्रकरणी तब्बल दोन महिन्यांनंतर तीन आरोपींना अटक करण्यात आली. कुणाल पांडे, सक्षम पटेल आणि आनंद चौहान अशी आरोपींची नावे आहेत.
या नराधमांनी तरुणीचा लैंगिक छळ करत नंतर जबरदस्तीने तिचा नग्न व्हिडिओ काढला होता. या प्रकरणात अटक करण्यात आलेले तीनही आरोपी भाजपच्या बड्या नेत्यांशी संबंधित असून, ते भाजपच्या आयटी सेलचे पदाधिकारीही असल्याचे समोर आले आहे.
तीनही आरोपींची भाजपमधून हकालपट्टी
आरोपींची अटक व काँग्रेसने केलेल्या हल्लाबोलनंतर राज्य भाजप नेतृत्वाने तीनही आरोपींची भाजपमधून हकालपट्टी केली आहे. तथापि, हे तीनही आरोपी भाजपच्या कोणत्या विंगमध्ये होते हे मात्र स्पष्ट केले नाही. दरम्यान सर्व आरोपींना न्यायालयाने 14 दिवसांची न्यायालयीन कोठडी सुनावली आहे.
.png "Videos"){kind=small}
